De Vorsterman Bijbel

§ Dat .x. Capittel.

1

⁺DIe besegheleers waren Nehemias, Athersatha, die sone Hachalia, ende Zedechias,

+ A

2

Saraias, Azarias Ieremias,

3

Phashur, Amarias, Malchias,

4

Hattus, Sebania, Malluch,

5

Harim, Meremoth, Obadia,

6

Daniel, Ginthun, Baruch,

7

Mosollam Abia, Meiamin,

8

Maasga, Bilgi, ende Semaia, dat waren die priesters.

9

Die Leuiten waren Iosue die sone Asarie Bennui onder den kinderen Henadad, Kadmiel,

10

ende haer broeders, Sechania, Hodia Klita, Palaia, Hanan,

11

Micha, Rehob, Hasabia,

12

Sachur, Serebia, Sebania,

13

Hodia, Bani ende Bennui.

14

Die hoofden int volck waren, Phareos Pahath, Moab, Elam, Sathu, Bani,

15

Buni, ⁺ Asgad, Bebai,

+ B

16

Adonia, Biguai, Adni,

17

Ater, Ezechias, Azur,

18

Hodia, Hasum. Besai,

19

Hariph, Anathoth, Neubai,

20

Magpias, Mesullam, Hesir,

21

Mesesabeel, Zadok, Iaddua,

22

phalatia, Hanan, anaia,

23

Hosea, Hana-[kolom]nia, Hasub,

24

Holohes, Pilha, Sobek,

25

Rehum, Hasabna, Maaseia,

26

Ahia, Hanan, Anan,

27

Malluch, Harim, ende Baena,

28

Ende dat ander volck, priesters, Leuiten, poortwachters, Sanghers, Nethinneen, ende alle die hen vanden volck des landts ghescheyden hadden, totter wet Gods, met haren wiuen, sonen, ende dochteren,

29

alle diet verstaen consten, ende haer machtige nament aen voor haer broeders.

Ende si quamen, dat si souden sweren, ende hen met eede verbinden te wandelen inder wet Goods, die door Moysen den knechte Gods ^* handen) gegeuen is, dat si houden ende doen wilden naer alle geboden, rechten, ende zeden des HEEREN ons Gods,

* ten is niet int hebree.

30

ende dat wi den volcken des landts onse dochteren niet en wilden gheuen, noch haer dochteren onsen sonen nemen,

31

⁺Oock als die volcken des lants op Sabbaths daghen brengen, ware ende alderhande voetsele te vercoopen, dat wijt niet nemen van hen en wilden opten Sabboth, ende heylighe daghen, Ende dat wi ten seuenste iare, alderhande bezwaringhe vry laten wilden,

+ C

32

Ende legghen een gebodt, op ons, dat wi iaerlics, een derdendeel eens Sikels souden gheuen totten dienste des huys ons Gods, te wetene,

33

totten toonbroot, tot dagelicsche spijsoffer, tot dagelixsche brantoffer, des Sabboths, der nieuwer maenden ende feestdagen, ende tot den geheylichden ende tot sondoffer, daer Israel mede versoent worde, ende tot allen besinge inden huise Gods

34

Ende wi werpen dat lot onder den priesteren, Leuiten, ende den volcken, om den offere des houts, datmen totten huyse ons Gods ⁺ brengen soude iaerlix naer den huysen onser vaderen, op gesette tijden te branden opten outaer des HEEREN ons Gods, soot in die wet Moysi geschreuen staet,

+ D

35

Ende iaerlix te brenghen deerste vruchten ons lants ende deerstelinghen alre vruchten van alle boomen, totten huyse des HEEREN,

36

Ende die eerstelinghen onser sonen, ende ons vees, soo dat in die wet Moysi geschreuen staet, ende die eerstelinghen onser runderen ende onser schapen, dat wi dat al tottten huyse ons Gods brenghen souden, den priesteren die inden huyse ons Gods dienen,

37

Ooc sullen wi brenghen die eerstelinghen onser vijuers, ende onser heffe, ende die vruchten alder hander boomen, most, ende olie, den priesteren in de kisten aenden huise ons Gods. Ende die tienden ons lants, den Leuiten, dat die Leuiten die tienden hebben in allen steden ons ackerwercs.

[p. Bb1v]

38

Ende die priester die sone Aaron sal met den Leuiten oock aen die tiende der Leuiten hebben, also dat die Leuiten die tiende haerder tienden opbrengen totten huyse ons Gods in die offerkiste, int huys des schats,

39

Want die kinderen van Israel ende die kinderen Leui sullen die heffe des graens, mosts, ende olijs in die kiste opbrengen, aldaer zijn die vaten des heylichdoms, Ende die priesters die daer dienen, ende die portiers, ende sanghers, dat wi dat huys Gods niet en verlaten.

§ Hoe dat volck tlot wierp, wie dat in Ierusalem soude woonen, ende die welcke in die andere steden buyten Ierusalem souden woonen.