De Vorsterman Bijbel

§ Dat .xxvi. Capittel.

1

⁺⁺ DOen nam dat geheel volck van Iuda ^* Osiam,) die was sesthien iaer out, ende setten hem tot eenen coninc, in zijns vaders Amasia stede,

+ A

+ iiij.re. iiij.c iiij.re. xv.g

* the. Vsiam

2

Die selue timmerde Eloth, ende brachtse weder aen tgebot van Iuda, na dieen dat die coninc slapen was met sinen vaderen.

3

Osias was sesthien iaer out doen hi coninc wert, ende regeerde twee ende vijftich iaer te ierusalem, Sijn moeder hiet Iechalia van Ierusalem,

4

ende dede dat den HEERE wel behaechde in alle manieren, gelijc zijn vader Amasias gedaen hadde,

5

ende hi sochte God, also lange als Zacharias leefde, die ^* verstandich was ende een siender Gods) ende also langhe als hi den HEERE sochte, so schicte^* hi) hem gheluckelijck in alle dinghen.

* the. een leerar in Godes gesichten was

* theb. God

6

Want hi trock wt, ⁺ ende street tegen die Philistinen ende brac die mueren tot Geth ende die mueren tot Iabne ende die mueren tot Asoten, ende timmerde steden in Asoten ende int lant van die Philistinen,

+ B

7

want God halp hem tegen die Philistinen tegen de Arabiers, die tot Gur baal woonden, ende tegen de ^* Ammoniten.)

* th. Ammuniten

8

Ende die Ammoniten gauen Osie giften, ende sinen naem wert vermaert tot datmen coemt in Egipten, ^* om zijn verwinninghe die hi dicwils hadde)

* h. want hi wert stercker ende stercker

9

Ende Osias timmerde thorens te Ierusalem, op die hoecpoorte ende aen de dalpoorte, ende aen dander hoecken, ende beuestichdese,

10

Hi timmerde oock sloten in die woestine ende groef veel putten Want hi hadde veel vees, beyde inden broecke ende in de woestine, Ooc hadde hi ^* wijngaerden) ende wijngaerdeniers aenden ber-

* the. ackerluyden

[p. cc3r]

gen ende in Charmelo, Want hi was een man die hemseluen ghaf tot lantwinninghe.

11

⁺Ende tghetal zijns heyrs van strijtbaer mannen die ten strijde ghingen onder Iehihels hant des ^* schriftgeleerden) ende Maasie des ^* doctoors) ende onder Ananie hant, die van des conincs hertoghen was.

+ C

* h. scriuers

* h. rechters

12

Ende al tghetal der princen door haer huysghesinnen der starcken oorloochs luyden, was twee duysent, ende ses hondert,

13

Ende onder haere handt die heyrschare, drie hondert duysent, ende seuen duysent, ende vijf hondert die totten stride bequaem waren, in die heyrcracht te helpen, den coninc tegen sine vianden,

14

Ende ^* Osias) beschicte voor dat heyr, schilden, spiesen, helmetten, pantsiers, boghen, ende steenslingeren,

* theb. Vsia.

15

Ende hi maecte Ierusalem ^* bolwerck) dat hi op die torens ende hoecken stelde, om te schieten met pijlen ende groote steenen, Ende sinen naem ghinc verre wt, Om dat hem die HEERE ^* geholpen hadde, ende hem machtich ghemaect hadde.)

* he. constelijc geweer

* the. sonderlijc gheholpen hadde tot dat hy machtich wert.

16

Ende doen hi machtich geworden was, so verhief hem zijn herte tot zijnder verderffenisse, Ende hi heeft vergeten den HEERE sinen Godt, ⁺ ende ghinck inden tempel des HEEREN, ende hi woude branden wierooc op den altaer des ruecwercs.

+ D

17

Maer Azarias die priester ginc hem na, ende .lxxx. priesters des HEEREN met hem, zeer vrome luyden,

18

ende si stonden tegen Osia den coninc, ende seyden tot hem, Het en behoort uwen dienste niet toe Ozia, dat ghi ontsteken soudt wieroock den HEERE, maer den priesteren Aarons kinderen, die geheylicht zijn, om te doen alsoodanigen dienst, Gaet wt die heylige plaetse, ^* ende en versmaet dat niet,) want het en sal v tot gheen eere voor Gode den HEERE gheacht worden.

* theb. want ghi hebt ouergetreden

19

⁺Ende Ozias wert toornich, ende hebbende een wieroocs vat in die hant, om dat hi wierooc branden soude, drieychde hy die priesters, ende ter stont so voer die lazarie wt aen zijn voorhooft voor die priesteren, in den huyse des HEEREN, ⁺ voor den ruec altaer,

+ E

+ iiij.re. v.g.

20

Ende doen Azarias die opperste priestere keerde dat hooft tot hem ende alle die priesters, so saghen si die lazarie voor zijn voorhooft, Ende si stieten hem van daer met haesten, Hi veruaert zijnde haestede hem ooc van selfs, wt te gaen, want hi geuoelde ter stont die plage des HEEREN.

21

Alsoo was die coninck Ozias lazarus tot aen den dach van zijnder doot, ende woonde in een huys dat afgescheyden was, vol lazarijen, om dye welcke hy [kolom] was verstooten vanden huyse des HEEREN. Maer Ioathan sine sone regeerde sconincs huys ende oordeelde tvolc des lants.

22

wat meer van ^* Ozia) te seggen is, beyde dat eerste ende tlaetste heeft bescreuen Isaias Amos sone die propheet.

* the. vsia.

23

Ende Ozias ontsliep met sinen vaderen, ende si begroeuen hem inden acker bi die begrauenissen der coningen, Want ^* hi was) malaetsch, Ende Ionathan sine sone wert coninc in zijn stede ende regeerde voor hem

* th. si seyden hi is

§ Van Ioathan Ozie sone die den coninc der kinderen Ammon verwan ende van zijnder doot.