De Vorsterman Bijbel

§ Dat .xxij. Capittel.

1

⁺ENde dye inwoonders van Iherusalem maecten tot eenen Coninc Ochosiam sinen

+ A

[p. cc1r]

ioncsten sone in zijn stede, Want die oorloochs luyden van Arabien die den heyrleger oueruielen, hadden des conincs eerste kinderen al gedoot, Daerom wert coninc Ochosias Iorams des conincs van Iuda sone.

2

Ochosias was twee ende veertich iaer out, doen hi coninc wert, ende regeerde een iaer te Ierusalem Sijn moeder hiet Achalia Amri dochter,

3

ende hi wandelde ooc inden wech des huys Achabs Want zijn moeder dwanc hem daer toe, dat hi ongodlijcke dinghen doen soude,

4

☞ Daerom dede hi quaet, dat den HEERE qualick behaechde voor zijn aensichte, ghelijc Achabs huys, Want si waren zijn raetgeuers nae zijns vaders doot, tot zijnder verderffenisse

5

ende hi wandelde naer haeren raet.

⁺ Ende hi trock met Ioram Achabs sone, den coninck van Israel inden strijt tot Ramoth in Galaad, tegen Hasael den coninc van Sirien. Maer die ^* Siriers) die wonden ende sloegen Ioram,

+ B

* th. van Rama

6

dat hi omkeerde, om hem te laten genesen te Iesrael, Want hi hadde vele wonden ontfaen ^* inden voorgenoemden strijt) Ende Azarias Iorams sone die coninc van Iuda troc af, om te besien Ioram Achabs sone te Iesrael daer hi cranc lach,

* the. die hem geslagen waren te Rama, doen hi streedt teghen Azael den coninc van Sirien

7

Want twas tegen Ochosiam van Gods wille toegeuoecht dat hi tot Ioram soude comen, Ende als hi gecomen was, om met Ioram wt te trecken tegen Iehu Namsi sone, den welcken die HERE ghesalft hadde, ⁺ dat hi Achabs huys wt soude veghen.

+ C

8

Doen nv Iehu ^* omwierp) Achabs huis, vandt hi sommige princen wt Iuda, ende Ochosie broeders kinderen, die hem dienden ende hi doodese.

* the. trecht hanteerde aen

9

Ende socht ooc Ochosiam, ende hi creech hem, daer hi hem verborgen hadde tot Samarien, ende hi wert tot Iehu ghebracht, die doode hem, ende si begroeuen hem Want ^* hi was) Iosaphats sone, die den HERE socht wt geheelder herten. Ende daer en was gheen hope meer, dat yemant van Ochosias gheslachte meer coninck soude worden.

* he. si seyden hi is

10

⁺Want doen Athalia Ochosie moeder sach, dat haer sone doot was, so stont si op, ende verdede alle dat coninclike zaet van ^* Iorams huyse)

+ D

* the. den huyse Iuda

11

Maer Iosabeth sconincs dochter nam Ioas Ochosie sone, ende stal hem van dat midden der kinderen des conincs die gedoot werden, ende verborch hem met zijnder voester in een slaepcamer, ⁺ Maer Iosabeth die hem verborghen hadde, was Iorams des conincs dochter, ende die huysfrouwe van Ioiada den oppersten bisschop, ende Ochosie suster, Ende om dier saken wille en doode hem Athalia niet

+ iiij.re. xi.a

12

Ende hi was met hen inden huyse Gods versteken ses iaer, te wile dat Athalia coningin-[kolom]ne was ende regeerde inden lande.

§ Van Ioiada hoe hi Ioas den coninc van Iuda salfde, ende hoe Athalia gedoot wert.