De Vorsterman Bijbel

§ Dat .xxvij. Capittel.

1

⁺ISraels kinderen na haeren getal waren hooftmannen der vaderen ende ouer duysent, ende ouer hondert, ende officiers, die den Coninc dienden na haeren scaren, na haere ordinantie af ende toe te trecken, elcker maent eene, in allen maenden des iaers. Elck had vierentwintich duysent daer hi ouerste af was.

+ A

2

Ouer die eerste schare inder eerster maent was Iasoboam Sabdiels sone, ende onder sine oordine waren .xxiiij. duysent.

3

Wt Pharez kinderen was die vorste onder allen veltchooftmannen, in die eerste maent.

4

Ouer die schare der tweeder maent, was Dodai die Iahohite, ⁺ ende na hem een ander genaemt Maceloth, die regeerde een deel der heyrscharen, die groot was vierentwintich duysent.

+ B

5

Die derde velthooftman der derder maentscharen, was Banaias Ioiada des priesters sone, ende onder sine deylinge waren vierentwintich duysent.

6

Dat is die Banaias dye alderstercste onder die dertich ende ouer die dertich. Ende ouer sine oordine was sine sone AmmiSabad.

7

Die vierde inder vierder maent was die ouerste Asahel Ioabs broeder. Ende na hem sine sone Sabadias, ende onder sine ordine waren xxiiij. duysent.

8

Die vijfste inder vijfster maent was dye vorste Samahuth die Iesrahite, ende onder sine ordene waren .xxiiij. duysent.

9

⁺Die seste inder sester maent was Ira Icces sone die Thekuite, ende onder sine oordine waren .xxiiij. duysent.

+ C

10

Die seuenste inder seuenster maent was Hellez Phalonite wt Ephraims kinderen, ende onder sine oordine waren vierentwintich duysent.

11

De achste inder achster maent was Sobochai die Husathite, wt den geslachte Sarai, ende onder sine oordine waren vier ende twintich duysent.

12

Die neghenste inder neghenster maent was Abieser die Anthothite, wt den kinderen Iemini, ende onder sine oordine waren vier ende twintich duysent.

13

Die thiende inder thienster maent was Maharai dye Nethophathite, wt den gheslachte Sarahi, ende onder sine oordine waren .xxiiij. duysent.

14

Die elfste inder elfster maendt was Ba-

[p. aa7r]

naias die Pharathonite wt Ephraims kinderen, ende onder zijn ordine waren vier ende twintich duysent.

15

Die twaelfste inder twaelfster maent was Heldai die Netophathite wt Othoniels geslachte, ende onder zijn ordine waren vier ende twintich duysent.

16

Maer ouer dye gheslachten van Israel waren dese drie ouerste, Ouer die Rubeniten was prince Elieser Sechri sone. Ouer die Simeoniten was prince Saphatia Maachas sone.

17

Onder die Leuiten was Hasabias Camuels sone. Ouer die Aaroniten was Zadoch.

18

Ouer dye van Iuda was Elihu Dauids broeder. Ouer Isachar was Amri, Michaels sone

19

Ouer Sabulon was Iesmaias Abdias sone. Ouer Nephtalim was Ieremoth Asriel sone.

20

Ouer Ephraims kinderen was Ozea Ososias sone. Ouer dat halue geslachte van Manasses was Ioel Phadaias sone.

21

Ende ouer dat halue geslachte van Manasses in Galaad was Iaddo Sacharias sone. Ouer Ben Iamin was Iaesiel Abners sone,

22

Ouer Dan was Asareel Ierohams sone. Dat zijn die vorsten der kinderen van Israel.

23

Maer Dauid en wilde niet tellen dye van twintich iaren ende daer onder waren, Want die HEERE hadde gesproken dat hi Israel vermeerderen soude, ghelijck die sterren des hemels,

24

Ioab Seruie sone hadde begonst te tellen, ende hi en voleynde dat niet. Want daeromme quam een gramscap ouer Israel, Daer omme soo en quam dat getal der ghenen die ghetelt waren int boeck der Croniken der iaren des conincs Dauids niet.

25

⁺Maer ouer die schatten des conincs was Asmoth Adiels sone, Ende ouer dye schatten die opten lande waren, in steden, dorpen ende sloten was Ionathan Osias sone.

+ D

26

Ouer die ackerluyden, die dat landt bouden was Esri Chelubs sone.

27

Ouer die wijnghaerdeniers was Semei die Ramathite, Maer ouer die wijn kelders, ende scatten des wijns, Sas Sabdi die Saphomite,

28

Ouer die olijfhouen, ende vijgheboomen, inden leeghen velden was Baal Hanan die Gaderite. Ouer den olyscatte was Ioas.

29

Ouer die weyrunders, die te Saron weyden, was prouoost gheset Setari die Saronite. Maer ouer die runderen in die valleien was Saphat Adlai sone.

30

Ouer die kemelen was Obil die Ismaelite. Ouer dye ezelen was Iadias die Meronothite.

31

Ouer dye schapen was ooc Iasis die Agarite. Dese waren alle prince, ouer des conincs Dauids goeden.

32

Maer Ionathan Dauids vaders broeder was die raetsman, een machtich ende [kolom] wijs man, ^* voornuftich ende wel geleert) Hy ende Iahiel Hachmoni sone waren by des Conincs kinderen.

* the. scriuer

33

Achitophel was ooc raetsman des conincks. Husai dye Arachite was des conincs vrient,

34

Na Achitophel was Ioiada Banaias sone ende Ab Iathar. Maer Ioab was des conincs velthooftman.

§Van Dauids vermaningen tot den volcke ende tot Salomonem. Ende van die bescriuinge van alle den wercke dat totten Tabernakel behoorde.