De Vorsterman Bijbel

§ Dat .xv. Capit.

1

⁺ENde hi timmerde hem huysen in Dauids stadt, ende hi timmerde der arcken Godts een plaetse, ende breyde eenen tabernacule ouer haer.

+ A

2

Doen ter tijt seide Dauid, Ten is niet behoorlijc dat darc Gods sal gedragen worden, dan vanden leuiten. Want die selue heeft die HERE vercoren, dat si die arcke des HEEREN souden dragen, ende hem te dienen eewelic.

3

Ende daerom vergaderde Dauid geheel Israel, tot Ierusalem, dat si dye arcke des HEREN op souden brengen, in die plaetse die hi daer toe bereyt hadde.

4

Ende Dauid bracht te samen Aarons kinderen ende die Leuiten,

5

⁺Wt Kahaths kinderen, was Vriel die opperste prince met sinen broederen, hondert ende twintich,

+ B

6

Wt Merari kinderen was Asaia, die ouerste prince met sinen broederen twee hondert ende twintich.

7

Wt Gersons kinderen was Ioel die ouerste prince met sinen broederen hondert ende dertich.

8

Wt Elizaphan kinderen was Semaias die ouerste prince met sinen broederen twee hondert,

9

Wt Hebrons kinderen was Eliel die ouerste prince, met sinen broederen tachtentich.

10

Wt Osiel, kinderen was Amminadab die ouerste prince met sinen broederen hondert ende twaelf.

11

Ende Dauid riep Zadoch ende Abiathar dye priesteren ende die leuiten, Vriel, Asaian, Ioeli Semeia, Eliel, Amminabab,

12

ende sprac tot hen, Ghi dye zijt die princen der huysgesinnen der Leuiten, wort geheylicht met uwen broederen, ende haelt dye arcke des HEREN des Godts van Israel, ter plaetsen die haer bereyt is,

13

op dat niet ghelijc te voren inden beghinne, om dat ghi daer niet tegenwoordich en waert, so sloech ons die HEERE, dat so nv ooc geschiede, als wi yet deden, dat ongeoorlooft ware,

14

Also heylichden hen die prie-

[p. aa2r]

sters ende Leuiten, datsi die arcke des HEREN des Gods van Israel souden brengen,

15

Ende dye kinderen Leui droegen die Arcke gods des HEREN op haer scouderen metten hantboomen daer aen, ghelijc Moyses geboden hadde na den woorde des HEREN.

16

⁺Ende Dauid sprac totten ouersten princen der Leuiten, dat si van haer broeders tot sangers souden stellen, met psalteren, harpen, ende claeren snaren spelen, ende cymbalen, datmen inder hoochten souden laten luyden tgeheluyt der blijschappen.

+ C

17

Doen stelden si die Leuiten Heman Ioels sone, ende wt sinen broederen Asaph Barichias sone. Ende wten kinderen Merari haeren broederen, Ethan Cusaie sone,

18

ende met hen haer broeders. In die tweede oordine Sachariam, Iasiel, Semiramoth, Iahiel, Vnni, Eliab, Banaiam, Maasiam, Mathathia, Eliphalehu, Maceneia, Obed Edom, Iehiel die duerwachters.

19

Want Heman, Assaph, ende Ethan waren sangers met metalen cymbalen om claer te clincken.

20

Maer Sacharias, Osiel, Semiramoth, Iahiel, Vni, Eliab, Maasias, ende Banaias speelden op ^* orgelen verborghen dinghen).

* th. psalteren tot Alamot

21

Maer Mathathias Elephalehu, Micenias, ende ObedEdom, Iahiel, ende Osasias met harpe ^* voor die octaue songen Epinithion den verwinner God si triumphe ende palma der victorien)

* th. int hoge ouer hem

22

Maer Cononias die prince der Leuiten was die ouerste ^* ghestelt der prophecien ende sangmeester om soete voor te singen) want hi was seer verstandich.

* th. des ghesangs meester dat hyse onderwese te singen

23

Ende Barachias ende Helkana waren duerwachters der arcken.

24

Maer Sacharias, Iosaphat, Nathanael, Amasai, ende Sacharias, Banaias, Elieser de priesters bliesen met trompetten voor die Arcke Gods. Ende ObedEdom ende Iahia waren duerwachters der Arcken

25

⁺Also ghinc Dauid ende die ouders van Israel, ende die ouerste ouer duysenden, op, om dye Arcke des verbonts des HEREN te halen, ⁺ wt ObedEdoms huys met blijschappen.

+ D

+ ij.reg. vi.a

26

Ende doen God den Leuiten halp, ⁺ die dye Arcke des verbonts des HEREN droegen, offerdemen seuen varren ende seuen rammen.

+ ij.pa. xxij f ij.regum. vi

27

Ende Dauid hadde eenen langhe rock van costelijcke wit lywaet aen, daer toe al die Leuiten die de arcke droegen, ende die sanghers ende Chonanias die ouerste ^* prince der prophecien onder) die sangers. Ooc hadde Dauid eenen lynen lijfroc aen

* th. des ghesangs met

28

Also bracht dat geheele Israel die Arcke des verbonts des HEREN op met iolijt, basoenen, trompetten ende claere cymbalen ^* met orghelen) ende harpen.

* th. psalteren

29

Als nv die Arcke des verbonts des HEEREN tot in Dauids stadt quam, sach Michal [kolom] Sauls dochter ter venster wt, ende doen si den coninck Dauid sach op springen ende spelen verachte si hem in haer herte.

§ Hoe die Arcke weder gebracht wert, ende van die feeste ende vanden dienaers die voor die arcke dienden, van Asaphs ende zijnder broederen liedt, Van den genen die ghestelt waren omte dienen inden tabernakel die in Gabaon was.