De Vorsterman Bijbel

§ Dat .xiiij. Capittel

1

⁺ENde Hyram die coninc van Tyro sandt boden tot Dauid, ende cederen hout, metsers ende timmerluyden, ⁺ dat si hem een huys souden timmeren,

+ A

+ ij.regum. v.a.

2

Ende Dauid mercte dat hem die HERE tot eenen coninck ouer Israel beuesticht hadde, ende dat zijn conincrijc meerder wert, om zijn volc van Israel.

3

Ende Dauid nam noch meer wiuen te Ierusalem, ende wan noch meer sonen ende dochteren,

4

ende die hem te Ierusalem geboren werden hieten alsoo, Sammua Sobab, Nathan, Salomon,

5

Iebhar, Elisua Eliphalet,

6

Noga, Napheg, Iaphia,

7

Elisama, Bael Iada, Eliphaleth.

8

⁺Ende doen die Philistinen hoorden dat Dauid tot eenen coninc gesalft was ouer geheel Israel, trocken si alle op om Dauid te soecken, Doen Dauid dat verhoorde, trock hi wt tegen hen,

+ B

9

Ende die Philistinen quamen, ende daelden neder, ende verstroyden hen inden gronde Raphaim

10

Dauid vraechde God raet, ende sprac, Sal ick op trecken tegen die Philistinen, ende suldise in mijn hant geuen? Die HEERE seyde tot hem, Trect op, ic salse in uwen handen geuen,

11

Ende doen si op getrocken waren tot Baal Pharasim so sloechse Dauid aldaer. ⁺ Ende Dauid sprack, God heeft mijn vianden door mijn hant ghedeelt soo hem dat water deelt, Daer af hieten si die plaetse, Baalpharazim,

+ C

12

Ende si lieten haere goden aldaer, die Dauid met vier hiet verbranden.

13

Maer die Philistinen maecten hen weder [kolom] op, ende si zijn verstroyt neder inden gronde,

14

Ende Dauid vraechde God noch eens raet, Ende God sprac tot hem, ⁺ Ghi en sult niet op trecken achter hen, maer wijct van hen, dat ghi aen hen coemt tegen die peerboomen ouer,

+ D

15

Als ghy dan dat ruysschen bouen op die peerboomen sult hooren ^* vanden wandelaer) so suldi varen wt totten strijde, Want God is voor v wt getrocken om der Philistinen heyrleger te slaen.

* the. ghaen.

16

Hier omme dede Dauid, soot hem Godt beuolen hadde, ende sloech dat heyr der Philistinen van Gabaon aen, tot Gaser toe

17

Ende Dauids naem wert heerlic vermaert in allen landen. Ende die HEERE liet zijn vreese ouer alle heydenen comen.

§ Van Aarons kinderen ende van die leuiten, ende vanden princen die Dauid vergaderde om die Arcke weder te brengen tot Ierusalem, Van Michal Dauids wijf die hem versmade, doen hi voor die Arcke spranck.