De Vorsterman Bijbel

§ Dat .xvi. Capittel.

1

⁺INden seuenthiensten iaer Phacee Romalie sone, ⁺ wert coninc Achas Ioathans sone des conincs van Iuda,

+ A

+ ij.pa. xviij.

2

Achas was .xx. iaren out, doen hi coninck wert, ende regeerde sesthien iaer te Ierusalem, ende en dede niet dat den HERE sinen God wel behaechde, ghelijck zijn vader Dauid,

3

Maer hy wandelde op die wegen der coninghen van Israel, daer toe liet hi sinen sone door tvier gaen, na die wyse der afgoden der heydenen, die die HERE voor dye kinderen van Israel verdreuen hadde,

4

Ende hi dede offerhande, ende werp wieroock op die hoochten, ⁺ ende op alle houelen ende onder alle groene boomen die ghebladert waren.

+ B

5

Doen ter tijt troc Razin die coninc van Syrien, ⁺ ende Phacee Romalie sone coninck van israel, opwaerts te ierusalem, om te strijden, ende belegherde Achas, maer si en consten hen niet verwinnen,

+ Isaie. vij.a.

6

Ter seluer tijt bracht Razin die coninc van Syrien ^* Hailam weder) tot Syrien, ende verwerp die ioden wt ^* Haila) ende die idomeen quamen, ende woonden ^* daer inne,) tot desen dach toe.

* the. Eloth weder aen.

* the. Eloth.

* the. Eloth.

7

Maer Achas sant boden tot Teglat Phalaazar den coninc van Assyrien, ende liet hem segghen, Ick ben v knecht ende v sone, coemt opwaerts, ende helpt mi wt der hant des conincs van Syrien, ende des conincs van israhel, die hen teghen mi opghemaect hebben.

8

Ende Achas nam dat siluer ende dat gout, dat inden huyse des HEEREN ende inden schatten des conincs huyse geuonden wert, ende sandt den coninc van Assyrien ghiften,

9

Ende die coninc van Assyrien dede na sinen wille, ende trock opwaerts tot Damascon, ende vontse, ende voerde die inwoonders wech ^* in Syrenen) ende doode Razin.

* th. tot kira.

10

Ende die coninc Achas trock te ghemoete

[p. y6r]

teglatphalazar den Coninc van Assyrien te Damascon. Ende doen hi den altaer sach, dye tot Damasco was, ⁺ sandt die Coninck Achas des seluen altaers gelijcke beelt, ende gelijckenisse totten priester Vriam, also den seluen gemaect was,

+ C

11

ende Vrias die priester timmerde eenen altaer, ende maecte dien ghelijc die Coninc Achas tot hem gesonden hadde van Damasco, tot dat die Coninc Achas van Damasco quam.

12

Ende doen die Coninc van Damasco quam, ende dien altaer sach, so heeft hi hem geeert, ende hi offerde daer op,

13

ende stack daer op aen sine brantoffer, ende ^* heylich offer) ende goot daer op sine drancoffer, ende storte dat bloet der vreedsamigen offerhanden die hi offerde opten altaer,

* th spijsoffer

14

maer den metalen altaer die voor den HERE stont, dede hi wech, ende veruoerden vanden aensichte des tempels, ende vander plaetse des altaers, ende van die plaetse des tempels des HEREN, ende hy sette dien aen den hoecke des altaers noortwaerts.

15

Ende die coninc Achas geboot Vrie den priester, ende sprac. ⁺ Opten groten altaer suldi aensteken den brantoffer des morgens, ende ^* die offerhande) des auonts, ende den brantoffer des conincs, ende zijn ^* offerhande) ende den brantoffer alle des volcs des lants, met haeren ^* offerhanden ende vochtige offeren. Ende allet bloet des brantoffers ende alderhande offer bloet sult ghi daer op wtstorten. Maer den metalen altaer sal bereyt wesen tot minen wille.

+ D

* th. den spijsoffer

* th spijsoffer

* th. spijsofferen

16

Vrias die priester dede na al wat hem die Coninc Achas beual.

17

Ende Achas die coninc brack af die gegroefde stuenselen, ende dede den ketel dier bouen op stont, ende die zee dede hi vanden metalen runderen, die dat onderhielden, ende settese op een steenen plaueytsel.

18

Daer toe den predicstoel Musach des sabboths, die ^* hi) aent huys getimmert ^* had) Ende den inganc des conincs buyten waerts, keerde hy tot inden tempel des HEEREN, om des Conincs van Assyrien wille.

* th. si

* th. hadden

19

Wat meer van Achas te seggen is, ende dat hi gedaen heeft, en is dat niet al gescreuen inden boeck vanden woorden der daghen der Coninghen van Iuda?

20

Ende Achas ontsliep met sinen vaderen, ende wert begrauen by sine vaderen in Dauids stadt, ende Ezechias sine sone wert Coninck, ende regeerde in sine plaetse.

§ Hoe Salmanazar Ozee tzijnsbaer maecte, Ende hoe Ozee wederspannich viel.