De Vorsterman Bijbel

§ Dat .x. Capittel

1

⁺AChab hadde tseuentich sonen tot Samarien ⁺ Ende Iehu screef brieuen, ende sondtse tot Samarien, totten ouerste der stadt, totten ouders, ende Achabs mombaers, luydende aldus, seggende.

+ A

+ Iud. viij.b

2

Als ghi desen brief ontfangen hebt, die ws Heeren sonen hebt, ende die wagens, paerden, vaste steden, ende wapenen,

3

so besiet wie dat die beste ende die rechtste is onder ws Heren sonen, ende sedt hem op zijns vaders stoel, ende strijt voor ws Heren huys.

4

Maer si ontsaghen hen met allen seer, ende spraken Siet twee Coninghen en hebben voor hem niet konnen ghestaen, hoe sullen wi dan moghen weder staen?

5

Ende dye ouer dat huys ende ouer die steden waren, ende die ouders, ende voesterheeren, sonden tot Iehu ende deden hem segghen. Wi zijn uwe knechten, wi sullen al doen dat ghi ons gebiet, noch wi en sullen niemanden tot eenen Coninc ouer ons maken, doet al dat v belieft.

6

⁺Doen screef hy den anderen mael eenen brief tot hen, die luydet aldus. Ist dat ghy mijn zijt, ende mi gehoorsaem zijt, so neemt die hoofden van ws Heeren sonen, ende brengtse tot mi morghen in deser seluer vren tot Iesrael Die sonen des Conincs waren tseuentich mannen, ende die grootste der stadt voedense op

+ B

7

Doen nv den brief tot hen quam, so namen si des Conincs sonen, ende dooden tseuentich mannen, ende leyden haer hoofden in koruen, ende besteldense tot hem te Iesrael.

8

Ende dye bode quam tot hem, ende gaft hem te kennen ende sprac. Si hebben des Conincs kinderen hoofden gebracht. Hi antwoorde. Legtse op [kolom] twee hoopen voor den inganc van die poorte tot morghen vroech toe.

9

⁺Ende des morghens doen den dach licht geworden was, tradt hi wt, ende al staende sprac hi tot alle den volcke. Ghi zijt rechtuaerdich Hebbe ic tegen minen Here een verbont ghemaect, ende mi tegen hem gestelt, ende hem verslaghen, wie heeft dan alle dese geslagen?

+ C

10

So bekennet dan ymmer nv, dat niet een woort des HEEREN opter aerden en is geuallen, dat die HERE heeft ghesproken ouer Achabs huys, ende die HEERE heeft ghedaen al dat hy ghesproken heeft, door Helye zijns dyenaers handt.

11

Hieromme versloech Iehu alle die ghene die ouer ghebleuen waren van Achabs huys tot Iesrahel alle zijn edele, ende alle zijn bekende, ende zijn priesters, tot datter hem niet een ouer en bleef,

12

ende stont op, ende trock wech, ende quam tot Samarien. Ende als hi quam aen des harders ^* camere) inden wech

* th. huys

13

Daer vant hi Ochosie des Conincks van Iuda broeders, ende sprack tot hen. Wie sidy? Sy antwoorden. Wi zijn Ochosie des Conincks broeders, ende zijn ghecomen om te grueten des Conincks ende der Coninghinnen kinderen,

14

Hi sprac. Gaet grijpse leuendich, ende si grepense leuendich ende doodense bi den putte aen des harders ^* cameren) twee ende veertich mannen, ende en lieter nyet eenen van hen ouerbliuen.

* th. huys

15

Ende doen hi van daer reysde, vant hi Ionadab Rechabs sone, die hem ontmoete, ende gebenedide hem. ⁺ Iehu sprac tot hem. Is v herte ooc oprecht met mijn herte, gelijc mijn herte met v herte is? Ionadab sprac. Ia. Hy seyde. Ist also, so geeft mi v hant. Ende hi gaf hem zijn hant, ende hi hief hem tot hem op den wagen ende sprac.

+ D

16

Coemt met mi ende siet mijn grammighe liefde om den HERE. Ende si voerden hem met hem op sinen wagen tot in Samarien.

17

Ende doen hi tot Samarien quam, versloech hijt al wat ouerbleuen was van Achab in Samarien, tot eenen toe na des HEREN woort, dat hi door Heliam ghesproken hadde.

18

⁺Ende Iehu vergaderde alle tvolc, ⁺ ende seyde tot hen. Achab heeft Baal weynich ghedient ^* Ic) sal hem bet ende veel meer dienen.

+ E

+ i.reg. xvi.g

* th. Iehu

19

So laet nv roepen alle Baals propheten, alle zijn knechten, ende alle zijn priesters tot my, niemant en si dier niet en come, Want ic hebbe Baal een groote offerhande te doen. Diemen ghemissen sal, die en sal niet leuen. Maer certeynlijck Iehu dede dat met laghen, op dat hy Baals dienaers verstroyen ende vernielen soude.

20

Ende Iehu sprack. Heylighet Baal desen feestdach.

21

Oock sandt Iehu in

[p. y3r]

geheele Israel, ende liet alle Baals dienaers roepen, ende si quamen also datter niemant achter en bleef, die niet en quam, Ende si quamen in Baals tempel, also dat Baals huys vol wert, aen allen eynden van bouen tot beneden,

22

Doen sprac hi totten ghenen die ouer die cleederen waren, brengt alle Baals dienaren cleederen voort, Ende si brachten die cleederen voort,

23

Ende Iehu ghinc in Baals tempel, met Ionadab Rechabs sone, ende sprack tot Baals dienaeren, ondersoect, ende siet toe, dat hier onder v niemant en si, van des HEEREN dienaeren, maer dat Baals dienaers alleen zijn,

24

Ende si quamen om offer ende brantoffer te doen, Maer Iehu hadde daer buiten gestelt tachtentich mannen ende sprack, Ist dat yemant van dien mannen ontuliet, die welcke ick onder v handen sal brengen, so sal voor zijn siele des selfs siele zijn.

25

⁺Ende tis geschiet doen nv die brantoffer voleynt was, sprack Iehu totten loopers, ende vorsten, Gaet in, ende slaet alle man, ende laeter niemanden ontgaen, Ende si sloeghense metter scerpten des swaerts, ende die vorsten ende ^* ridders) wierpense wech, Ende gingen totter stadt des tempels Baals,

+ F

* th. loopers

26

ende brachten daer wt Baals calomne wt Baals huyse, ende verbrandense,

27

ende braken die calomne met Baals huyse, ende maecten een heymelicheyt daer voor, tot op desen dach toe

28

Also vernielde Iehu Baal wt Israel.

29

Maer van Ieroboams des soons Nabath sonden, die Israel dede sondigen, en liet Iehu niet af vanden gulden calueren tot Bethel, ende tot Dan.

30

Ende dye HERE sprac tot Iehu, om dat ghy naerstelijc gedaen hebt dat recht was, ende dat behaechde in mijnen ooghen, ⁺ ende hebt aen Achas huys gedaen al dat in mijnder herten was, So sullen uwe kinderen opten stoel van Israel sitten, tot inden vierden lede,

+ G

31

Maer nochtans en hielt Iehu niet dat hy inder wet des HEREN des Godts van Israel ghewandelt hadde wt geheelder herten, Want hi en ginck niet af van Ieroboams sonden, die Israel hadde doen sondigen.

32

Inder seluer tijt beghonste die HEERE verdrietich te worden ouer israel, Want Hazael sloechse in alle den palen van israhel,

33

vander iordanen teghen der sonnen opganc ende alle dat lant Galaad der Gadditen, der Rubeniten ende Manassiten, van Aroer aen, tot aen die beke die bi Arnon leyt, ende Galaad ende Basan.

34

Wat meer van Iehu te segghen is, ende [kolom] al wat hi ghedaen heeft, ende alle zijn starcheyt, en is dat niet ghescreuen inden boecke vanden woorden der dagen der coninghen van israel?

35

Ende iehu ontsliep met sinen vaderen, ende si begroeuen hem te Samarien, Ende ioachas zijn sone wert coninc, ende regeerde in zijn stede,

36

Die tijt die iehu ouer israel gheregeert hadde, zijn achtentwintich iaer te Samarien.

§ Van Athalia die alle des conincs zaet doode. Ende hoe Ioas verborghen ende coninc wert voor Ioiadas den priester, Ende Ioiadas maecte een verbont tusschen Godt, ende den coninc, ende dat volc