De Vorsterman Bijbel

§ Dat .ij. Capittel.

1

DOen dye HEERE Heliam in een onweder ten hemel wilde halen, soo gingen Helias ende Helizeus van Galgala,

2

⁺ende Helias sprack tot Heliseum, blijft hier sitten, want die HERE heeft mi te Bethel gesonden Heliseus seyde, So warachtich als die HERE leeft, ende uwe ziele, ic en sal v niet verlaten, Ende doen si af gingen tot Bethel,

+ A

3

so ghingen der propheten kinderen dye tot Bethel waren wt tot Helizeum, ende seyden tot hem, weet ghi oock dat die HEERE uwen heere huyden ⁺ van v wech sal nemen? Hi sprac, Ic weet oock wel, swijcht ghi maer stille.

+ the. van uwen hoofde.

4

Ende Helias sprac tot Heliseum, blijft hier sitten, Want die HEERE heeft mi te Hieri-

[p. x6r]

cho gesonden. ⁺ Hi sprac. Alsoo warachtelijck als die HEERE leeft, ende uwe siele, ic en sal v niet verlaten, ende doen si tot Iericho quamen,

+ B

5

so gingen der propheten kinderen dye tot Iericho waren tot Helizeum, ende spraken tot hem. Weet ghy ooc dat die HERE uwen heere huyden van ^* v wech) nemen sal? Hi sprac Ic weet ooc wel, swijcht maer stille.

* thebr. uwe hooft.

6

Ende helias sprac tot hem. Blijft hier sitten, Want de HERE heeft mi gesonden aen die Iordane, Hi sprac. Also warachtelijc als de HEERE leeft, ende uwe siele, ic en sal v niet verlaten. Ende die twee gingen te samen.

7

Maer vijftich mannen onder der propheten kinderen ghingen hen na, ende si stonden teghen ouer van verre. Maer die twee stonden ouer die Iordane.

[afbeelding]

8

Doen nam helias sinen mantel ende wont hem tsamen, ende sloech int water, dwelcke hem op beide siden deelde, also dat die twee, drooghe daer door gingen.

9

Ende als si ouer quamen sprack helias tot helizeum.

Bidt wat ghi begeert, op dat ict v doen sal, eer ic van v genomen worde. Helizeus sprac. Ic bidde v dat uwen gheest op my si, tweemael so vele.

10

Hi sprac. Ghi hebt een swaer sake ghebeden, nochtans ist dat ghy my sien sult, als ic van v ghenomen worde, ⁺ soo salt also zijn, als ghi begheert hebt. Ende ist dat ghijt nyet en siet soo en salt niet zijn.

+ i.Cor. xij

11

Ende doen si te samen ghingen, ende tsamen spraken, siet, doen quam eenen vierighen waghen met vierighen paerden, ende scheydede dye twee van mal-[kolom]canderen. Ende Helias voer inden onwedere ten hemel.

12

Helizeus sacht ende riep. Mijn vader, mijn vader, waghen van Israel, ende zijn wagheman, ende en sach hem niet meer.

⁺ Ende hi greep sine cleederen, ende scoordese in twee stucken,

+ C

13

ende hief op Helias mantel, dye hem ontuallen was, en keerde om, ⁺ ende stont aenden oeuer des Iordaens,

+ eccl. xxxviij

14

ende met Helias mantel die hem ontuallen was, sloech hy dat water, ^* ende si en zijn niet ghedeylt) ende sprack Waer is ooc nv die God Helie? ende sloech dat water, doen deeldet hem op beide siden, Ende Helizeus ginc daer door.

* Ten is niet int he.

15

Ende doen hem der propheten kinderen sagen, die tot Iericho tegen hem ouer waren, seyden si. Die geest helie rust op helizeum, ende ghingen hem te gemoete, ende aenbaden gheneycht ter aerden

16

ende spraken tot hem. Siet, met uwe knechten zijn vijftich stercke mannen, die mogen gaen ende uwen heere soecken, messcien die geest des HEREN die heeft hem genomen, ende yewaerts op eenen berch, oft messchien yewaerts in een dal gheworpen. Hi sprack. En wilt niet seynden,

17

Maer si bedwongen hem tot dat hi hem ^* consent ghaf) ende sprack ⁺ Seynt henen, ende si sonden vijftich mannen, ende sochten drie daghen, maer si en vonden hem niet,

* the. scaemde.

+ D

18

ende quamen weder tot hem. Ende hi bleef woonen te Iericho, ende hi sprac tot hen, En seyde ict v niet, dat ghi niet gaen en sout?

19

Ende die mannen vander stadt spraken tot Helizeum. Siet het is in deser stadt goet woonen, also ghy mijn Heere sien moecht, maer het is quaet water, ende dat lant is onuruchtbaer.

20

Ende hi sprac. Brenghet my hier een nieu soutuat, ende doet daer sout in, ende si brachtent hem

21

Doen ginc hi wt totter waterfonteynen, ende hi wierp dat sout daer in, ende sprac. Aldus spreect die HERE. Ic hebbe dit water ghesont gemaect. Daerom en salder voort aen gheen doot, noch onuruchtbaerheyt ^* in) comen.

* the. daer af

22

Also wert dat water ghesont tot desen dage toe, naer dwoort van Helizeus dat hi gesproken hadde.

23

Ende hy ginc op na Bethel, ende als hi opten wech ginc, so quamen cleine knechtkens ter stadt wt, ende bespotteden hem, ende spraken tot hem. Kaelcop coemt op. Kaelcop coemt op.

24

Ende doen hi omsach, ende hise sach, vermaledide hise inden name des HEREN Doen quamen twee beren wt den wout, ende verscoerden der kinderen .xlij.

25

Van daer ginc hi opten berch Carmelus, ende keerde wederom tot Samarien.

§ Van Ioram Achabs sone, die quaet voor den HERE dede, vanden drie coninghen die tegen den coninc van Moab vergadert waren.