De Vorsterman Bijbel

§ Dat .vi. ca

1

⁺ENde het is ghebuert hierna inden vier hondersten ende tachtichsten iaer na den wtghanc der kinderen van Israel wt Egypten, inden vierden iare des conincrijcks van Salomon, ouer Israel inder maent Sif, dat is die ander maent, soo begonst hi dat huys des HEEREN te timmeren,

+ A

2

Dyt huys dat Salomon den HEERE timmerde, was tsestich ellenbogen lanc, twintich ellenbogen breet, ende dertich ellenbogen hooghe, ⁺

+ § Dertich ellen hooge, Int derde der cronijcken int derde capittel spreect hy van die gheheele hoochte des huis Maer hier spreect hy dan donderste alleene.

3

Ende hi

[p. v1v]

timmerde een portael voor den tempel, twintich ellen boghen lanck, na der breyden des huys, ende thien ellen boghen breet, voor dat huys henen,

4

Ende hi maecte in dat huys cromme vensteren, diemen met leden op ende toe mochte doen,

5

Ende hi timmerde eenen ommeganc aen die mueren des huys rontsomme, dat hi, beyde om den tempel ende om den choor ghinc, ende maecte sinen buytensten muer daeromme,

6

Den ouersten ghanc was vijf ellenbogen wijdt, ende den middelsten ses ellenbogen wijdt, ende den derden seuen ellenbogen wijdt, Want hi leyde balcken van buyten int huys, dat si hen niet en hielden aenden wandt des huys,

7

Ende doen dat huys getimmert wert, so werdet van geheelen ende wt gebrokenen steenen getimmert, also datmen gheenen hamer, noch byle, noch eenich yseren instrument en hoorde int huys, doent ghetimmert wert

8

⁺Maer een duere was ter rechter siden, midden aent huys, also datmen door eenen wendelsteen op ghinc op den middel ganc, ende vanden middel ghanc opten derden,

+ B

9

Aldus timmerde hi dat huys, ende voleynde dat, Ende hi bescutte dat huys met cederen, beyde bouen ende aen die wanden,

10

Hi timmerde ooc eenen ganc bouen op dat geheele huys, vijf ellenbogen hooge, Ende decte dat huys met cederen hout

11

Ende des HEREN woort quam tot Salomon, ende sprac,

12

Dat huys, dat ghi timmert Ist dat ghi in mijn geboden wandelt, ende na mijn rechten doet, ende alle mijn geboden hout, om daer in te wandelen, so sal ic mijn woort met v beuestigen, gelijck ic uwen vader Dauid gesproken hebbe,

13

ende sal onder die kinderen van Israel woonen, ende en sal mijn volck niet verlaten,

14

Also timmerde Salomon dat huys, ende voleyndet,

15

ende timmerde die wanden des huys van binnen aen die siden van cederen, van des huys paueytsel aen, tot den dake toe, ende bescuttet van binnen met houte, ende solderde den vloer des huis met abeelen berders.

16

⁺Ende hy timmerde achter int huys eenen cederen wandt twintich ellenbogen lanc, vanden paueytsel totten dake toe, Ende timmerde daer binnen ^* die plaetse der antwoorden ende des gebets) ende dat alderheylichste,

+ C

* thebre. den choor

17

Maer dat huys des tempels voor ^* dye plaetse des ghebets was) veertich ellen lanck,

* the. den coor

18

Van binnen was dat gheheele huys ynkele cederen met ghedraeyden knoppen, ende bloem werc, also datmen gheenen steen en sach,

19

Maer dye ^* plaetse der antwoorden ende des ghebets) bereyde hi van binnen int huys, datmen die arcke des verbonts des HEEREN aldaer soude setten,

* thebre. den choor

20

Ende voor ^* die plaetse der antwoorden) [kolom] die twintich ellenboghen lanck, twintich ellenboghen wijdt, ende twintich ellenbogen hooch was, ouerdecte hi metten alder suyuersten goude, ende hi ouerdecte den outaer met cederen,

* thebre. den choor

21

Ende Salomon ouertroc dat huys voor ^* die camer der antwoorden) van binnen metten aldersuyuersten goude, ende die gulden ^* platen) maecte hi vast met gouden nagelen, die hi met goude ouertrocken hadde,

* theb. choor

* the. richelen.

22

also dat inden ghehelen tempel niet en was, ten was met goude ouertrocken, daer toe ooc den geheelen outaer ^* der heyligher plaetsen,) ouertrock hi met goude.

* thebr. voor den choor.

23

Hi maecte ooc inden choor twee Cherubim thien ellenboghen hooch van olijf boomen hout,

24

vijf ellenbogen hadde eenen vluegel, eens yegelijcs Cherubs, also dat thien ellenboghen waren vanden eynde zijns eens vloghels totten eynde zijns anderen vloghels,

25

Alsoo hadde die ander Cherub oock thien ellenboghen, ende was eenderley mate, ende eenderley ruymte, beyde die Cherubim,

26

alsoo dat elck Cherub thien ellenbogen hooch was,

27

Ende hi dede die Cherubim stellen binnen int midden des ^* tempels) ende dede haer vlogelen wt breyden, dat des eens vloghele raecte aen desen wandt, ende des anderen cherubs vloghel raecte aen den anderen want Maer midden inden huyse raecte deen eenen vloghel den anderen,

* theb. huys.

28

Ende hi ouertroc dye Cherubim met goude.

29

⁺Ende aen alle den wanden des huys, alomme liet hi draeywerc maken van wtgegroefden wercke, ende hi maecte daer in Cherubim palmen ende bloemwerc, ende verscheyden scilderien recht oftse wten wercke gesteken ende gegaen hadden,

+ D

30

Ooc ouertroc hi dat pauyment des huis met gulden platen,

31

Ende inden inganc ^* der heyliger plaetsen) maecte hi twee dueren van olijfboomen houte, met vijfcantighe posten,

* thebre. des choors

32

ende liet daer draeywerc op maken van Cherubim palmen, ende bloemwerc, ende ouertrocse met gulden platen,

33

Also maecte hi ooc inden inghanc des tempels viercante posten van olijfboomen houte,

34

ende twee dueren van abeelen houte, also dat elck duere twee bladeren hadde, aen malcanderen hangende,

35

ende maecte daer op draeywerck van Cherubim, palmen ende bloemwerc ende ouertrocse met goude, recht ^* nader maten der consten)

* the. soot beuolen huis

36

Ende hi timmerde eenen voorhof van binnen, van drie ryen gehouwender steenen, ende van eender rijen geschaefden cederen.

37

In dat vierde iaer inder maent Sif so wert dat fundament geleghet aenden huyse des HEREN,

38

Ende inden elfsten iare inder maent Bul, dat is die achtste maent wert

[p. v2r]

dat huys volmaect so dat zijn soude, met allen sinen wercke ende alle zijn ghereetscappe, om te besighen. Also dat ^* hi) daer aen seuen iaer ^* timmerde)

[afbeelding]

* th. si.

* th. timmerden

§ Hoe Salomons huys getimmert wert, ende vant wout huys, ende van Pharaos dochters huys, Van Hiram ende zijn werc, van die twee calomnen, van die ghegoten zee, ende van die metalen baerssen ende stuensels des ketels.