De Vorsterman Bijbel

§ Dat .ix. Capittel.

1

⁺ENde Dauid sprac, Meyndi datter ooc noch yemant ouerbleuen is van Sauls huyse, dat ick ontfermherticheyt aen hem doe om Ionathas wil?

+ A

2

Daer was een knecht van Sauls huyse, die hiet Siba, Ende als die coninc dien tot hem geroepen had, sprac hi tot hem, Sijt ghi Siba? Hi sprac, Ia, ic bent v knecht,

3

Die coninc sprac, En isser noch niemant meer van Sauls huyse, dat ic Gods ontfermherticheyt aen hem doe? ende Siba sprac totten coninck, ⁺ Daer is noch een sone Ionathan, lam aen die voeten,

+ B

4

Die coninc sprack tot hem, Waer is hi? Siba sprac totten coninc, Siet, hi is te Lodabar inden huyse Machir, des soons Ammiel,

5

Doen sandt die coninc Dauid henen, ende liet hem halen van Lodabar wt den huyse Machir, des soons Ammiel.

6

Doen nv MiphiBoseth die sone Ionathan des soons Sauls tot Dauid quam, viel hi op zijn aensicht, ⁺ ende aenbede hem. Dauid sprac tot MiphiBoseth, Hi sprac,

+ C

7

Hier ben ic v knecht, Dauid sprack tot hem, En vreest niet, want ic sal ontfermherticheyt aen v doen om Ionathan ws vaders wil, ende sal v alle die ackeren ws vaders Sauls weder geuen, ende ghi sult daghelics aen mijn tafel broot eten,

8

Hi aenbede hem, ende sprac, Wie ben ic v knecht, want ghi v aengesien hebt eenen dooden hondt gelijc ic ben?

9

Doen riep die coninc Siba den knape Sauls, ⁺ ende sprac tot hem, al wat Sauls geweest is, ende al zijn geheel huys dat hebbe ic den sone ws heeren ghegeuen,

+ D

10

Dus arbeyt nv sinen acker, ghi ende uwe kinderen, ende knechten ende brenget in, dat ws heeren sone broot si, dat hi gheuoedet worde, Maer MiphiBoseth ws heeren sone sal daghelics broot eten aen mijn ta-

[p. s5v]

fele. Siba hadde vijfthien sonen ende twintich knechten,

11

Ende Siba sprac totten coninck, Al gelijc mijn heere die coninc sinen knechte geboden heeft, so sal zijn knecht doen, ende Miphi Boseth sal eten op mijn tafele, als een van des conincs kinderen.

12

Ende MiphiBoseth had eenen cleynen sone, die hiet Micha, maer alle wat inden huyse Siba woonde, dat diende MiphiBoseth,

13

Maer MiphiBoseth woonde te Ierusalem, want hi adt daghelicx van des conincs tafele, ende hincte met beyde sine voeten.

§ Hoe die Coninc Anon van Ammon, Dauids boden half den baert af schoer.