De Vorsterman Bijbel

§ Dat .xxxi. Capittel.

1

⁺MAer die Philistinen streden teghen Israel, ende die mannen van Israel vluchteden voor die Philistinen, ende vielen verslagen opten geberchte Gelboe,

+ A

2

Ende die Philistinen oueruielen Saul ende sine sonen, ende sloegen Inoathan ende Aminadab, ende Malchisue, Sauls sonen,

3

ende den last vanden strijt wert hart tegen Saul, ⁺ ende die schutters treften, op hem met boghen, ende hi wert zeer

+ i.para .x.a

[p. s1v]

ghewont vanden schutters.

[afbeelding]

4

Doen sprac Saul tot sinen wapendrager, trect wt v swaert, ⁺ ende doorsteect mi daer mede, op dat dese onbesnedene niet aen en comen ende mi doorsteken, ende bedriuen eenen spot met mi, Maer zijn wapendrager en wildet niet doen, want hi vreesde zeere, Doen nam Saul dat swaert, ende viel daer inne,

+ B

5

Als nv zijn wapendragher sach, dat Saul doot was, soo viel hi ooc in zijn swaert, ende sterf met hem.

6

Also sterf Saul ende sine drie sonen, ende zijn wapendragher, ende alle sine mannen ghelijck op dien dach.

7

Maer doen die mannen van Israel die op ghene side des dals, ende op ghene side des Iordaens waren, ⁺ saghen dat die mannen van Israel geulucht waren, ende dat Saul ende sine sonen doot waren, so verlieten si die steden, ende vluchteden oock, ende die Philistinen quamen, ende woonden daer inne.

+ C

8

Des anderen daechs quamen die Philistinen om die verslagen te beroouen, ende wt te trecken, ende si vonden Saul ende sine drie sonen ligghen opt geberchte Gelboe,

9

ende hieuwen hem zijn hooft af, ende trocken hem zijn wapen af, ende sondense al omme inder Philistinen landt, om dat te vercondigen inden huyse haerder afgoden, ende onder tvolc,

10

ende setteden zijn harnas in dat huys Astharoth, maer zijn lichaem hinghen si op die mueren tot Bethsan.

11

⁺Doen die van Iabes in Galaad hoorden, wat die Philistinen Saul ghedaen hadden,

+ D

12

so stonden si op wat strijdtbaer mannen waren, ende gingen den geheelen nacht, ende namen die lichamen Saul, ende zijnder sonen vander mueren van Betsan, ende brachtense tot Iabes ende verbrandense aldaer,

13

ende namen haer gebeenten, ende begroeuense int wout te Iabes, ende vasteden seuen daghen.

§ Hier eyndt dat eerste boeck der Coningen, Regum int Latijn genoemt, Samuels eerste boeck.