De Vorsterman Bijbel

§ Dat .xx. Capittel.

1

⁺ENde die HEERE sprac tot Iosue, segghende, Segt den kinderen van Israhel, ⁺

+ A

+ Nu. xxxv.a Deu. xix.a

2

Gheeft onder v vrye steden, Daer af ick v door Moysen gheseyt hebbe,

3

daer toe een dootslager vluchten mach, die een siele onuerhoets slaet, dat si onder v vry zijn, ende mach ontulieden dye toornicheyt vanden bloetwreker,

4

Ende dye daer vlucht tot een van dyen steden, sal staen buyten voor dye stadt Poorte, ende voor dye ouders der stadt sine sake te kennen gheuen, dye bewijst dat hi ontschuldich is, soo sullen si hem tot hen in die stadt nemen, ende hem ruymte geuen, dat hi bi hen woone.

5

Ende als dye bloet wreker hem sal ver-

[p. o2v]

uolghen, soo en sullen si den dootslagher niet in sine handen ouergheuen, Want hy onuersiens sinen naesten geslaghen heeft, ende en is hem te voren gheen viant geweest,

6

soo sal hi in die stadt woonen, tot dat hi staet voor der ghemeynten voor dat gherechte, ^* zijn ontschuldinghe ende sake segghende) ende tot dat die hooge priestere sterue, dye totter seluer tijt zijn sal, Als dan sal die dootslager wederkeeren, ende in zijn stadt ghaen, ende in zijn huys, ^*) daer hi af gheulucht is.

* ten is nyet int heb

* the. totter stadt

7

Doen ^* scheyden si wt) Kedes in Galileen, op dat geberchte Nephthalim ende ^* Sichem) op dat gheberchte Ephraim, ende Kyriath Arba, dat is, Hebron, op dat gheberchte Iuda,

* th. stelden si oft heylichden hier toe.

* the. Sechem

8

⁺dat op ghene side des Iordaens, teghen Iericho ouer leghet, teghent oosten, gauen si ^* Bosor) inder woestinen, op dat effene des velts, wt den geslachte Ruben, ende Ramoth, in ^* Galaad) wt den gheslachte Gad ende Gosan in Basan, wt den stam Manasse.

+ C

* the. bezer

* th. gilead

9

Dat waren die steden gheordineert allen ⁺ den kinderen van Israel, ende den vremdelinghen, die onder hen woonden, op dat derwaerts vluchten soude, soo wie een siele onuerhoets slaet, dat hi niet en sterue door den bloet wreker, tot dat hi voor dye gemeynte ghestaen heeft ^* ende zijn sake met wtspreken te kennen ghegeuen heeft.)

+ D

* ten is nyet int heb.

§ Hoe die steden ende voorsteden den leuiten ghegheuen werden, acht ende veertich steden met haeren voorsteden.