De Vorsterman Bijbel

§ Dat .xvi. Capittel.

1

ENde dat lot viel den kinderen Ioseph vander Iordanen teghen Iericho, totten watere bi Iericho vanden oosten waerts ende die woestine die opwaerts gaet van Iericho, ⁺ door dat geberchte Bethel,

+ A

2

ende coemt van Bethel wt tot Lusa, ende gaet door die palen ArciAtaroth,

3

ende daelt haer nederwaerts, ten westenwaert, totten palen Iaphleti, tot aen die palen des nederen Beth Horon, ende tot Gazer, ende dat eynde is tot aen die groote zee,

4

Dat hebben die kinderen Ioseph tot een erfdeel genomen Manasse, ende Ephraim.

5

⁺Die palen der kinderen Ephraim onder haer gheslachten haers erfdeels van den Oosten waert was Atharoth, Adar, totten ouersten Beth Horon,

+ B

6

ende ghaet wt teghent westen bi Michmethath, die teghent Noorden leyt aldaer crommen si haer daer omme teghen dat oosten der stadt Thaenath Silo ende gaet daer door van den oosten waert tot Ianoha,

7

Ende daelt neder van Ianoha tot Ataroth ende Naaratha, ende stootet aen Iericho ende gaet wt aen die Iordane

8

^* van Thapuah, ende ghaet teghen die zee in dat riet dorp) ende haeren wtghanck is aen die zee, ^* die dalder soutste is.)

Dat is dat erfdeel des stams des kinderen Ephraim onder haer gheslachten,

* thebr. Van Thapuah ghaet si tegent westen waert, tot Nahalkana.

* ten is nyet int heb.

9

ende alle paelsteden met haeren dorpen der kinderen Ephraim, laghen verstroeyt onder dat erfdeel der kinderen Manasse.

10

⁺Ende si en verdreuen die Cananiten niet, die toe Gazer woonden, Also bleuen die Cananiten onder Ephraim tot op desen dach, ende werden tzijnsbaer gheuende tribuyt.

+ D

§ Van dat lant dat den haluen gheslachte Manasse ten lote viel, Ende hoe si van Iosue meer lants begheerden, om dat si van soo veel volcs waren.