De Vorsterman Bijbel

§ Dat .iij. Capittel.

1

⁺ENde Iosue maecte hem vroech op, ende si verstelden haer heyrlegers van Sethim wtghaende, ende quamen aen die Iordane hi ende alle die kinderen van Israel, ende bleuen aldaer ^* drie daghen,

+ A

* theb. ouer nacht eer si ouer reysden, Ende na drie dagen

2

Ende als die ouerleden waren) ginghen die boden midden door den heyrleghere,

3

ende begon-[kolom]sten te roepen, Als ghi sien sult die arcke des verbonts des HEEREN ws Gods, ende die priesters wten gheslachte Leui die draghen, soo trect wt van uwe plaetsen, ende volghet die na,

4

nochtans dat tusschen v ende haer ruymte si, by twee duysent cubitus, Ghi en sult haer niet ghenaken, op dat ghi weten moecht, op welcken wech ghi gaen sult, want ghi en hebt dien wech noyt gegaen

5

Ende Iosue sprack totten volcke, heylighet v, want morghen sal die HEERE wonderlijcke dinghen onder v doen,

6

⁺Ende totten priesteren sprack hy, draecht die Arcke des verbonts, ⁺ ende gaet voor dat volck henen, Ende si volbrochten dat hen beuolen was, ende droeghense, ende ghinghen voor dat volck.

+ B

+ Leui. xx.b. Nume. i.d. i.re. xvi.b.

7

Ende die HEERE sprac tot Iosue. Huyden sal ic beginnen v groot te maken, ende te verheffen voor alle Israel, op dat si weten, dat gelijc ic met Moysi geweest ben, dat ic oock alsoo met v ben,

8

Ende ghebiet ghi den priesteren die die arcke des verbonts dragen, ende segt hen, Als ghu vore int deel vanden watere des Iordaens ghetreden sult zijn, soo staet stille daerinne.

9

Ende Iosue sprack totten kinderen van Israel, Coemt herwaerts, ende hoort die woorden des HEEREN ws Gods,

10

Ende sprack noch voortaen, daer bi suldi mercken dat een leuende God onder v is, ⁺ ende dat hi voor uwe oogen wt driuen sal die Cananiten, Hethiten, Heuiten, Pheresiten, Gergositen Amoriten ende Iebusiten,

+ C

11

Siet, die arcke des verbonts des ^* HEEREN) van alle dat aertrijc sal voor v henen ghaen in die Iordane,

* theb. heerschappers

12

Bereydet twaelf mannen wten twalef stammen van Israel, wt elcken gheslachten eenen,

13

Als dan die priesters haere voetstappen ghestelt sullen hebben, die de arcke des verbonts des HEEREN, die Godt is van alle daertrijcke, dragen, inder Iordanen wateren, soo sullen die wateren die beneden zijn afloopen, ende verghaen ende die van bouen zijn comende, ouer eenen hoop staen.

14

Daeromme is dat volck wtghegaen wt sinen tabernaculen, op dat si door die Iordane souden gaen, ende die priesters die die arcke des verbonts droegen, ghinghen voor hen,

15

ende als si in die Iordane quamen, ⁺ ende haer voeten voor int water staken (want die Iordaen was vol aen allen haeren oeueren, ⁺ van alderhande watteren inden tijden des oost)

+ D

+ Ec. xiiij.c.

16

doen stont dat water dat van bouen neder quam opgerecht ouer eenen hoo-

[p. n2r]

pe, ^* als eeenen berch hem verthoonende, ende werden ghesien zeer verre vander stadt die ghenoemt wort Edom, tot der plaetsen Sarthan,) Maer dat water dat totter zee nederwaert liep, totter soute zee ^* datmen nv heet die Doode zee) dat nam af ende veruloeyde.

* h. zeer verre vanden luyden der stadt, die ter syden Zarthan leet.

* ten is niet int. heb.

17

Also ghinck dat volck ouer teghen ^* die Iordane,) Ende die Priesters die die Arcke des verbonts des HEREN droeghen, stonden op die drooghe aerde midden in die Iordane opgheschort, Ende alle ^* dat volck) ghinck door den drooghen grontbodem des waters.

* th. Ierico

* th. Israel.

§ Hoe Iosue twaelf steenen doet stellen int midden vanden Iordane, ende twaelue opt drooghe aen die Iordane, op dat die nacomelinghen daer aen Gods crachtighe hant souden bekennen.