De Vorsterman Bijbel

§ Dat .xxxiiij. Capittel

1

⁺ENde Moyses clam op vanden velden der Moabiten opten berch Nebo, ⁺ opten

+ A

+ ij.mach. ij a

[p. m8v]

top vanden berch ^* Phasga) teghen Iericho ouer, ende die HERE thoonde hem alle dat lant ^* Galaad) tot Dan toe,

* the. Pisga.

* th. Gilead

2

ende gheheel Nephtali, ende dat lant Ephraim ende Manasse ende alle dat lant van Iuda, tot aen die wterste zee, ende tegent zuyden,

3

ende die lantscappen van dat breet velt van Iericho der Pallemen stadt, tot ^* Zegor) toe,

* theb. Zoar

4

Ende die HERE sprac tot hem, Dit is dat lant, dat ic Abraham, Isaac ende Iacob gesworen hebbe, seggende, ick salt uwen zade geuen. Ghi hebbet aengesien met uwen oogen, maer ghi en sult daer niet in comen.

[afbeelding]

5

⁺Aldus sterf Moyses aldaer, die knechte des HEREN inder Moabiten lant, ⁺ na den woorde des HEREN.

+ B

+ Gene. xij v ende .xv.d.

6

Ende hi begroef hem in dat dal inder Moabiten lant, tegen ^* den tempel des afgods Phegor) Ende niemant en heeft zijn graf vernomen tot opten dach van heden,

* the. thuys Peor

7

Ende Moyses was hondert ende .xx. iaer oudt doen hi sterf, zijn ooghen en waren niet doncker gheworden, ende zijn ^*tanden en waren niet verroert)

* the. wangen en waren niet veruallen.

8

Ende die kinderen van Israel beweenden Moysen inder Moabiten velden dertich dagen, ende die dagen des weenen, ende beclagens werden voldaen ouer Moysen.

9

Ende Iosue Nuns sone wert veruult metten geeste der wijsheyt. ⁺ Want Moyses hadde zijn handen op hem gheleyt. Ende die kinderen van Israel hoorden hem, ende deden so die HEERE Moysi gheboden hadde.

+ C

10

Ende daer en stont voort meer geen alsulcken propheet in Israel op, als Moyses, den welcken die HERE bekende van aenghesichte tot aenghesichte,

11

in alle teekenen ende wonderen, daer hem die HEERE toe sandt dat hise doen soude in Egipten lant aen Pharao ende aen alle zijn knechten, ende aen alle zijn lant,

12

ende tot alle dese machtighe handt, ende groote visioenen, die Moyses dede voor de ooghen van alle Israel.

§ Hier eyndet dat boeck Deuteronomium, dat vijfste boec Moysi.