De Vorsterman Bijbel

§ Dat .vij. Capittel.

[p. l3v]

1

⁺ALs die HEERE v Godt v brenghen sal int lant daer ghi in comen sult, om dat te besitten, ende wtwortelt veel volcs voor v die Hethiten, Girgositen, Amoriten, Cananiten, Pheresiten, Heuiten, ende die Iebusiten, seuenderley volck, die veel meer int ghetal ende starcker zijn, dan ghi,

+ A

2

Ende alsse die HEERE v God v leuert, so suldise ^* verslaen, datter niet een ouer en bliue) ende ghi en sult geen verbont met hen maken, noch hen gheen barmherticheit betoonen,

* th.harem § Horam heet excoincare verbannen, daer af coemt horma oft heren, een afscheidinge int griecs anathema eenen ban i.Cor. xvi

3

ghi en sult met hen gheen vrientschap maken, ghi en sult niet gheuen uwe dochteren haeren sonen, ende haeren dochteren suldy niet nemen uwen sonen,

4

Want si souden uwe sonen verleyden, dat si mi niet volgen en souden, maer dat si anderen goden dienen souden, Ende dan soude des HEREN toren vergrammen op v, ende hi soudt v niet doen.

5

⁺Maer aldus suldy doen, haer altaren suldy omworpen, ⁺ ende haere calomnen breken, haer bosschelkens suldy afhouwen, ende haer goykens metten viere verbranden,

+ B

+ Co. xxiij.b

6

Want ghi zijt een heylich volc, den HEERE uwen Gode, Die HERE uwe God heeft v vercoren, dat ghi sout zijn zijn eygen volc wt allen volcken die opter aerden zijn,

7

Die HERE en is daerom met v niet vereenicht, om dat ghi allen volcken te bouen ginct inden getale, Want ghi zijt die minste onder alle volck,

8

Maer daerom, om dat hi v lief ghehadt heeft, ende om dat hi sinen eet houden soude, dien hi uwen vaderen gesworen heeft, ende hi heeft v wtgeleyt met een machtighe handt, ende hi heeft v verlost vanden diensthuyse wt Pharaos des conincs van Egipten hant.

9

Ende ghi sult nv weten, dat die HEERE v God, een sterck God is, ende een ghetrouwe God, die dat verbont ende die barmherticheyt hout, den ghenen die hem lief hebben, ende zijn geboden houden, int duysende lidt,

10

ende hi betaelt ter stont, den ghenen die hem haten, also dat hise te niete doet, ende hi en laet dat niet wtstellen, hi en betaelt ter stont, dat ghene dat si verdienen,

11

Daerom onthoudt die geboden, die zeden, ende rechten, die ick v huyden gebiede, dat ghi daer na doen soudt.

12

⁺Ende als ghi dese rechten hoort, ende ghi die houdt, ende daer na doet, so sal die HERE v God ooc houden dat verbont, ende die barmherticheyt die hi uwen vaderen ghesworen heeft,

+ C

13

ende hi sal v liefhebben, ende ghebenedien, ende vermenichfuldighen, Ende hi sal die vrucht ws lichaems gebenedien, ⁺ ende die vrucht ws lants, v graen, uwen most, ende die, uwer koeyen vruchten, ende uwer scapen [kolom] vruchten, inden lande dat hi gesworen heeft uwen vaderen, v te geuen,

+ Ex. xiiij.b.

14

Gebenedijt suldy wesen, bouen alle volck, Van v luyden en sal niemant onuruchtbaer wesen, noch onder die menschen, noch onder v vee,

15

Die HERE sal van v nemen alle crancheyt, ende hi en sal gheen vanden quaden siecten der Egiptenaren, op v leggen, die ghi wel weet, maer alleen den genen die v haten, sal hise te seynden.

16

Ghi sult alle volc verslinden, dat die HERE uwe God v geuen sal, noch uwe ooghe en salse niet sparen, noch ghi en sult niet haeren goden dienen, Want dat soude v eenen strick zijn, tot eenen val,

17

Ist dat ghi in uwer herten segt, Dit volc is meerder, dan ic, hoe sal icse mogen verdriuen?

18

So en vreest hen niet, Maer gedenct wat die HEERE uwe God, Pharao, ende al den Egyptenaren ghedaen heeft,

19

door groote versoeckinghe, die ghi met uwen ooghen ghesien hebt, ende door teekenen, ende door wondere, door een machtige hant, ende wtgestrecten arm, daer mede dat uwe HERE uwe God, v wtleyde, Alsoo sal die HERE v God oock den ghenen doen, die ghi vreeest.

20

⁺Ende die HEERE v God sal onder hen ^* Horselen) seynden, tot dat si vergaen, al watter ouerblijft, ende dat hem voor v verbercht

+ D

* th. wespen

21

En laet v voor hen niet grouwelen, Want die HERE v Godt is onder v, die groote ende vreeschelike God,

22

Hi die HERE uwe God sal dese luyden vernielen, voor v die een naden anderen, Ghi en sultse niet vermogen al te niete gedoen tsamen haestelic, op dat die dieren des velts niet vermenichfuldicht en worden teghen v,

23

Die HEERE uwe God salse voor v leueren, ende hi salse met grooten slagen verslaen, tot dat si geheel vergaen,

24

Ende hi sal haer coninghen in uwe handen leueren, ende ghi sult haeren naem te niete doen van onder den hemel, Niemant en sal v moghen wederstaen, tot dat ghise in stucken ghebroken hebt.

25

Die ghesneden beelden van haeren Goden suldy met viere verbernen, Ende ghi en sult niet begheren dat siluere oft tgout, dat daer aen is, noch aenueerden, op dat ghi daer aen niet en misdoet, Want dat is den HERE uwen Gode een grouwelijc dinc,

26

daerom en suldy niet van afgoden dingen in v huys brengen, op dat ghi niet verbant en wort, gelijc dat selue is, Maer ghi sult dat schouwen, ende v sal daer af grouwelen, als van een onsuyuer vuylicheyt, want het is verbannet.

§ Een vermaninghe des dincs ende der weldaden in die

[p. l4r]

veertich iaren inder woestinen gheschict daerse God leyde om kondt te maken, wat si in den sin hadden, oft si in zijn wet wandelden oft niet.