De Vorsterman Bijbel

§ Dat .xxx. Capittel.

1

⁺ENde Moyses seyde den kinderen van Israel, al dat hem die HEERE gebo-[kolom]den hadde.

+ A

2

^* Ende sprac) totten ouersten der geslachten vanden kinderen van Israel, Dit is dat die HEERE gheboden heeft,

* the. Ende Moyses sprack

3

Als een man den HEERE eenige gelofte doet, ⁺ oft eenen eedt sweerdt, ende also zijn ziele verbint die en sal zijn belofte niet breken, maer hi salt al volbrengen ^* dat hi gelooft heeft.)

+ § Die ghelofte der mannen.

* th. soot wt sinen monde is gheghaen.

4

Ist dat een vrouwe ^* yet belooft), ende met eenen eedt haer verbint, als si noch in haers vaders huys is, ende noch inden ouderdom van eender maecht is, ende haer belofte ende verbont, ⁺ dat si ouer haer ziele doet, coemt voor haeren vader, ende swijcht hi dan,

* th. den HERE een gelofte doet

+ § Die ghelofte van een ongetroude in svaders huys

5

so sal si schuldich zijn al haer ghelofte, ende al haer verbont, datsi gedaen heeft, daer si haer ziele mede verbonden heeft, dat sal si volbrengen,

6

⁺Maer als haer vader dat hoort, ist dat hijt ter stont wederseyt, so sullen haer beloften ende haer verbondenissen, die si ouer haer ziele gedaen heeft te niet wesen ^* Ende si en sal niet schuldich zijn der beloften) om dattet haere vader wederseyt heeft.

+ B

* th. Ende die HEERE sal haer genadich zijn

7

Heeft si eenen man, ende heeft op haer een gelofte, ⁺ oft heeft si laten gaen wt haeren lippen een verbindinge haerder zielen met eenen eedt,

+ § Die ghelofte van een ghehoude in haers vaders huys

8

ende die man hooret, ende swijcht hi in dien daghe stille, so ghelt haer belofte ende verbindinge daer si haer ziele mede verbonden heeft,

9

Maer ist dattet die man ter stont wederseyt, als hijt hoort, so is haer ghelofte los, die si op haer heeft, ende die verbindinge die si wt haeren lippen heeft laten ghaen ouer haer ziele, ende die HEERE sal haer genadich wesen.

10

Een weduwe ende een verlatene van haeren man, soo wat dat si belooft heeft, haer ziele verbindende, sullen si gheuen. ⁺

+ § Die ghelofte van eender weduwe, oft verlatene.

11

Als yemants huysfrouwe in haers mans huys gelooft, of verbint met eenen eedt haere ziele,

12

ende haer man hooret, ende swijghet, ende en keeret niet, ⁺ so is die gelofte van waerden, ende al dat die ziele belouet sal hebben, ende si sal betalen al wat si belouet heeft,

+ § Die ghelofte van eender gehouder, buyten des vaders huys.

13

Maer ist dattet die man wederseyt, als hi dat hoort so en ist niet van waerden, wat wt haer lippen gehaen is, ⁺ dat si belouet, of daer si haer ziele mede verbonden heeft, want die man heeft daer tegen geseyt, ende die HEERE sal haer genadich zijn,

+ C

14

Ende als si gelouen sal, ende met eenen eedt vesticht, dat si haer ziele sal ootmoedigen ^* met vasten oft ander dingen) so salt in des mans wille zijn, oft si dat doen sal of niet,

* ten is niet int hebree.

15

Maer ist dat hijt hoort, ende hi den sin wt set tot tsanderdaechs, wat si gelooft hadde sal si betalen, want terstont als hijt gehoordt

[p. k4v]

hadde, so sweech hi,

16

⁺Maer ist sake dat hijt te niete doet, na dat hijt ghehoort hadde, ende daer teghen niet en seyde als hijt wiste, so sal hy haer misdaet draghen.

+ D

17

Dat zijn die wetten die die HERE Moysi gheboden heeft tusschen man ende wijf, tusschen vader ende dochter, al die wijle als si noch maecht is, oft in haers vaders huyse woont.

[afbeelding]

§ Hoe die kinderen van Israel tegen die Madianiten streden, ende verwonnense na Godts beuel, ende versloegen daer mede Balaam Beors sone.