De Vorsterman Bijbel

§ Dat .xxviij. Capittel.

1

⁺ENde die HEERE sprack tot Moysen seggende,

+ A

2

Ghebiet den kinderen van [kolom] Israel, ende segt tot hen ^* Mine offer ende dbroot ende twierooc) dat welcke mijn offer is des soeten ruecs, suldy houden tzijnder tijt, dat ghijt mi offert ^*)

* the. den offer mijns broots.

* th. ende segt hen

3

Dit zijn die offerhanden die ghi den HEERE offeren sult, iarige lammeren, die sonder smette zijn, dagelijcs twee totten dageliken brantoffer, ⁺

+ Die daghelicsce offerhande

4

dat een lam suldi offeren des morgens, dat ander aen den auont,

5

Ende ooc een thiendendeel van Ephi bloemen ^* meels) met aldersuyuerste olie gemengt, die gestooten is, een vierendeel van Hin,

* the. meels tot een spijsoffer

6

dat is een dagelics brantoffer, dat ghi offerde aenden berch Sinay tot eenen soeten ruecke des offers te ontsteken om te branden den HEERE,

7

Ende ooc suldi vochticheyt storten, tot eenen lam, een vierendeel van Hin, ende dat sal in die heylige plaetse gegoten worden, tot een gifte den HEERE,

8

Dat andere lam suldy, aen den auont bereyden, in alle manieren als den heyligen offer des morgens, ende zijn drancoffer des soeten ruecs, den HEERE.

9

⁺Ende opten sabboth dach suldi offeren twee iarige lammeren ombesmet ende twee thiendendeel bloemen meels totten spijsoffer met olie gemengt, ⁺ ende zijn vochticheden

+ B

+ Die offerhande des sabboths

10

^* diemen wetteliken wt stortet alle Sabbaten tot eenen eewighen brantoffer)

* the. Dat is dat brantoffer van elcken sabboth, bouen dat daghelijcs brantoffer met sinen drancoffere

11

Ende inden eersten dage van uwer maenden, ^* dat is int begin der maent) suldi den HEERE een brantoffer offeren, twee calueren wter cudden, eenen ram, seuen lammeren van eenen iare sonder smette,

* ten is niet int heb.

12

ende ooc drie thiendendeel bloemen meels, tot eenen spijsoffer met olie gemengt, tot elcken calf bisonder, ⁺ ende twee thiendendeel bloemen vanden mele tot eenen spijsoffer, met olie ghemengt tot eenen ram,

+ Die offerhande ope die nieuwe maenden

13

ende ooc een thiendendeel bloemen vanden meel tot eenen spijsoffer met olie gemengt tot eenen lam, Dat is dat brantoffer des soeten ruecs, een offer den HERE

14

die vochticheyden des wijns, diemen ouer elcke bisonder sal gieten, sullen dese wesen een half Hin wijns tot een calf, een derden deel Hin tot den ram, ⁺ een vierendeel Hin tot den lam, Dit is dat brantoffer van elcker maent inden iaer die deen na dander sullen volghen,

+ C

15

Ende men sal oock eenen bock offeren tot een offer voor die sonden, den HERE, ^* tot eenen eewighen) brantoffer, met sinen vochticheden.

* the tot dat dagelicsce.

16

Ende inden veerthiensten dage der eerster maendt, ⁺ Ist den Paesschen des HEEREN,

+ Die offerhande des Paesscens

17

ende inden vijfthiensten daghe der seluer maent is die feeste, Seuen dagen sal-

[p. k3v]

men ongeheeft broot eten,

18

Vanden welcken den eersten dach eerwaerdich ende heylich wesen sal, Geen dienst werc en suldy daer in doen,

19

Ende sult den HEERE brantoffer offeren, Twee calueren vander cudden, eenen ram, Seuen lammeren van eenen iare sonder smette,

20

met yegelijcs spijsoffer, Drie tiendendeele bloemen vanden mele, met olie ghemengt, op elck calf bisonder, ende twee thiendeelen opten ram,

21

ende een thiendendeel op een lam, ende also ouer alle die seuen lammeren,

22

Ende eenen bock tot een offere voor die sonde, datmen voor v versoene,

23

Ende alsoo suldi des morghens doen, sonder dat brantoffer dat een dagelics brantoffer is,

24

Alsoo suldi alle daghe die seuen daghen lanc ^* doen int voetsel des viers,) ende inden alder soetsten roock den HEERE die oprisen sal vanden brantoffer, ende vanden vochtigen elcs offers,

* the. tbroot offeren

25

Ende den seuensten dach sal v luyden heylich wesen, gheen dienstwerck en suldi daer inne doen.

26

⁺Ende den dach der eerstelingen, ⁺ inden welcken ghi den HEERE ^* nieuwe coren sult offeren, als wt zijn uwe weken) die sal ooc heylich ende eerwaerdich wesen, gheen dienstwerck en suldi daer inne doen,

+ D

+ Den offer van Pinsten

* th. dat spijsoffer des maents in uwe weken sult offeren

27

Ende ghi sult den HERE brantoffer offeren, tot eenen soeten ruec Twee calueren wter cudden, eenen ram, seuen onbesmette iarige lammeren

28

met haeren spijsofferen, drie tiendendeel bloemen meels, met olie gemengt op een calf, twee thienden deel totten ram,

29

een thiendendeel der thienden op een lam, ende alsoo op die seuen lammeren, Ende eenen bock

30

die ghedoot wort om te versoenen, Dat suldi doen, behaluen dat daghelics brantoffer, met sinen spijsoffer,

31

sonder smette, suldijt al offeren met sine vochtighe offerhanden.

§ wat offerhanden dat die kinderen van Israel moesten offeren, op die achtste eerste daghen der seuenster maent, behaluen die ghelofte ende vrywillighe offerhanden.