De Vorsterman Bijbel

§ Dat .xx. Capittel.

1

⁺ENde die kinderen van Israel quamen met alle die ghemeynte in die woestijne ^* Sin) in die eerste maent, ende dat volck bleef te Kades, Ende ^* Maria) is aldaer ghestoruen, ende wert in die selue plaetse begrauen,

+ A

* the. Zin.

* the. MirIam.

2

Ende als die ghemeynte ghebreck waters hadde, vergaderden si teghen Moysen ende Aaron,

3

ende dat volck hadde twist, ende sprack, Och hadden wi vergaen, doen onse broeders verghinghen voor den HEERE,

4

Waerom hebdy die vergaderinghe des HEREN in dese woestijne ghebracht, dat wi hier steruen souden, ende ons beesten?

5

⁺ ende waerom hebdy ons wt Egypten gheleyt in desen quaden hoeck daermen niet zaeyen en kan, daer noch vijghen, noch wijnstock, noch granaet appelen en zijn, oock daerenbouen en isser gheen water te drincken.

+ Exo. xvij.a

6

⁺Moyses ende Aaron lieten die menichte daer buyten, ende zijn inghegaen inden Tabernakel des verbonts, ende vielen op haer aensicht ^* neder ter aerden, ende riepen totten HERE, ende seyden, HERE God hoort toch den roep van desen volcke, ende doet hen op uwen schat, een fonteyne van leuende water, op als si versaeyt zijn haer murmuracie ophoude) ende die heerlicheyt des HEREN openbaerde hen,

+ B

* ten is nyet int hebre

7

Ende die HERE sprack tot Moysen, segghende,

8

Neemt een roede, ende vergadert die ghemeynte des volcs, ghi ende v broeder Aaron, ⁺ ende spreect totten steen, voor haer ooghen, ende die steen sal zijn water gheuen, Als ghi hen water wten steen doet comen, so sal die ghemeynte drincken ende haer vee.

+ Exo. xvi.b

9

Doen nam Moyses die roede, die voor den HEERE was, so hi hen gheboden hadde,

[p. i7r]

10

ende als die menichte vergadert was voor die steenroetse, seyde hi, Hoort ghi wederspannighe ende ongheloouige, Sullen wi oock water moghen slaen wten steen?

11

Als Moyses zijn hant op hief, ende sloech den steen metter roede tweemael, doen quam daer veel waters wt, ☞ so dat die gemeynte dranck ende haer vee.

12

Ende die HERE sprack tot Moysen ende Aaron, om dat ghi aen mi niet gheloouet en hebt, dat ghi mi heylichdet voor den kinderen van Israel, en suldy dese ghemeynte niet brenghen in dat lant, dat ick hen geuen sal,

13

Dit is dat kijfwater daer die kinderen van Israel twist hadden teghen den HEERE, ende hi wert gheheylicht in hen luyden.

14

⁺Ende Moyses sant hieren binnen boden wt Kades totten Coninck der Edomiten, die hem seyden, Also ontbiedet v uwe broeder Israel, segghende, Ghi weet alle die moeyte die ons beuaen heeft,

+ C

15

hoe dat onse vaders neder ghinghen in Egypten, ende wi langhe tijt in Egypten ghewoont hebben, ende die Egyptenaren hantierden ons ende onse vaders qualijck,

16

Ende hoe wi riepen totten HEERE, die onse stemme verhoorde, ende sant sinen Engel, ende leyde ons wt Egypten, ende siet, Wi zijn te Kades in die stede aen uwe palen,

17

laet ons door uwe lant trecken, Wi en sullen noch door ackers, noch door wijngaerden gaen, noch gheen water drincken van uwen putten, Wi sullen door die heyrstrate reysen, noch ter rechter, noch ter slinckere wijcken, tot dat wi door uwe palen comen.

18

Die Edomiten antwoorden hen, Ghi en sult niet door mijn lant trecken, ⁺ oft ick sal v met ghewapender macht teghen comen,

+ D

19

Die kinderen van Israel spraken tot hem, Wi sullen op die ghebaende strate trecken, ende drincken wi v water, wi ende onse vee, so sullent wi betalen dat rechtuaerdich is, in die betalinghe en sal gheen swaerheyt zijn, Laet ons alleen te voet door trecken,

20

Ende hi antwoorde, Ghi en sulter niet door trecken, Ende die Edomiten trocken wt terstont hen te ghemoete met ontalijcke menichte van volcke ende stercke hant,

21

Also weygherden die Edomiten Israel, ende misgunden door zijn palen te trecken, Ende Israel weeck daerom van hem.

22

Als die kinderen van Israel haeren leger opbraken van Kades, ende quamen met alle die ghemeynte aent gheberchte Hor, die is in die palen des lants Edom,

23

Doen sprack die HEERE tot Moysen, segghende,

24

Laet Aaron vergadert worden tot sinen volcke, [kolom] ☞ Want hi en sal niet in dat lant comen, dat ick den kinderen van Israel ghegheuen heb, om dat hi ongheloouich gheweest is minen monde biden watere der wedersegginghen,

25

Neemt Aaron ende sinen sone Eleazar, ende leytse opten berch Hor,

26

ende als ghi Aaron zijn cleederen wt ghetrocken hebt, so suldyse Eleazar sinen sone aen doen, ende Aaron sal daer vergadert worden, ende steruen.

27

Ende Moyses dedet so hem die HERE gheboden hadde, ende clommen op Hor int gheberchte voor alle die ghemeynte, ⁺

+ Deut. x.b. ende .xxvi.g.

28

Ende als Moyses Aaron van zijn cleederen berooft hadde, dede hise Eleazar sinen sone aen,

29

Ende als Aaron ghestoruen was bouen opt gheberchte, quamen Moyses ende Eleazar neder vanden berge,

30

Ende als alle die ghemeynte sach dat Aaron ghestoruen was, beweenden si hem .xxx. daghen, alle dat huys van Israel ^* door zijn huysghesinne)

[afbeelding]

* ten is niet int heb.

§ Hoe dat volck van Israel den Coninck van Arad verwan. Ende hoe die vyerige slanghen dat volck plaechden. Ende Moyses dat metalen serpent oprechte.