De Vorsterman Bijbel

§ Dat .vi. Capittel.

1

⁺ENde die HEERE sprack tot Moysen, segghende,

+ A

2

Een ziele die sondicht, ende den HEERE versmaet, alsoo dat hi sinen naesten loochent, dat hi hem beuolen hadde oft dat hem ter trouwer hant ghedaen is, Oft dat hijt met ghewelt ghenomen heeft, Oft met onrecht vercregen,

3

Oft dat verloren is, gheuonden heeft, ende dat met eenen valschen eede loochent, Oft eenichsins anders daer in ghedaen heeft, daer een mensche sinen naesten in veronghelijcken mach

4

Als hi ouetruycht is vander schult, sal hi weder geuen den heere dien hi de schade gedaen heeft,

5

algeheel dat hi met ^* bedroch wilde behouden,) ende daer en bouen noch tvijfste deel,

* the. gewelt ghenomen heeft, ofte met onrecht gecregen, of dat hem beuolen is, oft wat hi geuonden heeft oft daer hi om den valschen eet gedaen heeft

6

Maer voor zijn sonde sal hi offeren eenen obesmetten ram vander kudden, ende sal dien gheuen, den priestere naer de weerderinghe ende mate der sonde,

7

ende hi sal voor hem bidden voor den HEERE, ende het sal hem vergheuen worden, voor alle dien sonden die hi gedaen heeft, ende ghesondicht.

8

Ende die HEERE sprack tot Moysen, segghende,

9

Ghebiet Aaron ende sinen sonen, ende segt, Dit is die wet des brantoffers, Die brantoffer sal branden opten outaer, alle den nacht, tot aen den morgenstont, ^* Dat vier sal vanden seluen outaer zijn)

* the. Alleen dat vier van desen outar sal dar op branden

10

Ende die priester sal sinen lijnen rock aen doen, Ende die lijnen broecke, aen zijn vleesch doen, Ende hi sal die asschen af nemen, die dat vier ^* verslijndende is) opten outaer gemaect heeft, ⁺ ende salse neffens den outaer schudden,

* th. des brantoffers

+ D

11

Ende sal zijn cleederen daer na wt doen, ende andere cleederen aen doen, ende die asschen wt dragen buyten den leghere, in een suyuere stede, ^* ende doense verbranden totten foncken toe.)

* ten is niet int hebree. noch int griex.

12

Dat vier sal altijt bernen opten outaer, dwelcke die priester voeden sal worpende alle dage des morgens hout van onder, ende als hi den offer om heel te branden daer op ghestelt heeft, sal hi aensteken tsmeer vanden offer der vreedsamer,

13

Dit vier sal altijt

[p. f8r]

bernen, ende nymmermeer ghebreken opten outaer.

14

Ende dit is die wet des spijsoffers, ende vochtighe offeranden, die Aarons sonen offeren sullen voor den HERE opten outaer,

15

Die Priester sal nemen een hant vol bloemen vanden mele, dat ghemengt is metter olijen, ende al den wieroock die op ^* die bloemen) leyt, ende salt ontsteken opten outaer, tot ghedachtenisse eenen aldersoetsten rueck den HEERE,

* th. den spijsoffer.

16

Ende al dat daer ouerblijft, sullen Aaron ende zijn sonen eten, ende si sullen dat ongheheeft eten, int voorhof des Tabernakels des ghetuygenis,

17

Daerom en salt niet gheheeft worden, want een deel daer af wort gheoffert om te ontsteken den HERE, Het sal dalder heylichste der heylighen zijn, ghelijck voor die sonde, ende voor die versuymde scult,

18

Alleen dat van mans gheslachte is onder die kinderen Aaron sullent eten, dat sal een eewich recht zijn uwen nacomelinghen vanden offer des HEEREN, wie dat aentast, sal gheheylicht worden.

19

Ende die HEERE sprack tot Moysen, segghende,

20

⁺Dat sal Aarons ende zijnder sonen offer zijn, dat si den HEERE offeren moeten inden daghe haerder saluinghen, Dat thiende deel Ephi van bloemen vanden mele, tot eenen spijsoffer daghelijx, die een helft des morghens, ende die ander helft des auonts

+ C

21

ende ghi sullet met olije beslaen, ende in eender pannen frijten,

22

Ende die Priester die van sinen sonen in zijns vaders plaetse ghesalft wort, die sal dit doen, ende offerent ^* heet) den HERE, tot eenen soeten ruecke,

* th. gestuct

23

Dat is een eewich recht den HEERE, Het sal al gheheel verbernt worden, Want alle spijsoffer des Priesters, sal metten vyere verteert worden, ende niemant en sal daer af eten.

24

Ende die HEERE sprack tot Moysen, segghende.

25

⁺Segt Aaron ende sinen sonen, ende spreect Dit is die wet der offerande, die voor die sonde gheschiet, Inder seluer plaetsen, daer ghi den HEERE den brantoffer slaet, salse voor den HERE gheoffert worden, Dat is dat alder heylichste der heylighen,

+ D

26

Die Priester die dat offert, salt eten in die heylighe plaetse int voorhof des Tabernakels des ghetuyghenis,

27

Al wat dat vleesch aentasten sal, sal gheheylicht worden.

Ende so wiens cleet vanden bloede besprengt wort, dat cleet sal ghewasschen worden in die heylighe plaetse,

28

⁺Ende den aerden pot daert in ghekooct is salmen breken, Maer ist eenen metalen pot, so salmen den pot schueren, ende met water spoelen,

+ E

29

Ende wat manlijck is [kolom] vanden gheslachte der Priesteren, sal daer af eten, Want het is dat alder heylichste der heylighen,

30

Maer alle den offer die gheslaghen wort voor die sonden, daer dat bloet af ghebrocht wort inden Tabernakel des ghetuychnis, om daer mede te versoenen, en salmen niet eten, maer metten vyere verbranden.

1

^+* Ende dit is die wet des offers, die gheoffert wort voor die schult der versuymenisse dat is dat alder heylichste der heylighen,

+ F

* § Hier beghint dat vij cap. int hebr. ende int griecs, ende in caldeus

2

daerom in die plaetse salmen dat offer der schult slaen, daermen den brantoffer slaet, Ende men sal dat bloet daer af al om den outaer ^* wtstorten)

* th. sprengen

3

Ende si sullen van die offerande offeren, den steert metten vette, ende dat vet dat daer dat inghewant bedect,

4

die twee nyeren metten vette, dat daer aen die lendenen is, ende dat net dat ouer de leuer is, ende om die nyeren,

5

Ende die Priester salt opten outaer ontsteken, tot eenen offer den HEERE.

⁺ Dit is een ontsteken offere behoorende den HEERE voor die schult der versuymenisse,

+ G

6

Al wat manlijck is vanden Priesterlijcken gheslachte, sal van desen vleesche eten in die heylighe plaetse, want het is dat alder heylichste der heylighen,

7

Ghelijckerwijs een offerande gheoffert sal worden voor die sonde, so salmen oock offeren voor die schult der versuymenisse, Beyde der offeranden sal eender offerande wet zijn, Ende sal den Priester toe behooren diese offert,

8

Die Priester die een offerande om te verbernen offert, die sal des selfs brantoffers vel hebben,

9

Ende alle spijsoffer dat inden ouen, oft opten rooster, oft inder pannen ghebacken is, sal die Priester hebben, die dat offert,

10

oft dat met olije ghemenghet is, oft dat drooghe is. Alle Aarons kinderen salment een yeghelijck in ghelijcker maten deylen.

§ Vanden vreetoffer, Ende datmen dat vet ende bloet niet eten en mochte.