De Vorsterman Bijbel

§ Dat .xxvi. Capittel.

[kolom]

1

⁺DEn tabernacule sal aldus ghemaect worden. Ghi sult maken .x. gordinen van ghetwijnt costelijcke side ende goutbloemen, geele side ende ^* purpure, ende van peerslaken twe mael geuerwet gescakeert baerduerwerck)

+ A

* th. scarlaken roset root. Cherubim suldi costelijc daer aen maken

2

Die lengde van eender gordinen sal hebben xxviij. cubitus, ende die breide sal wesen .iiij. cubitus, van eender maten sullen alle die gardinen wesen,

3

ende men sal die vijf gardinen tsamen voegen, deen aen den anderen.

4

⁺Ende ghi sult litskens maken van geelder siden, aen elcken hoec der gardinen, daer si tsamen geuoecht sullen zijn, datse twee ende twee aen haer hoecxkens tsamengehecht mogen worden.

+ B

5

Vijftich litskens aen elc gordine, also dat die een de ander tsamen vatte.

6

Ende ghi sult vijftich gulden gardijn ringen maken, daermen die gardinen mede tsamen hechten sal, die een aen die andere, op dattet eenen tabernakel worde.

7

Ghi sult ooc elf ^* haren cleederen) maken om te decken tdack des tabernakels

* th. gardinen van geiten hare.

8

Die lengde des eens ⁺ haren cleet) sal wesen .xxx. cubitus, ende die breede vier cubitus. Die mate alder haren cleederen sal gelijc zijn.

+ th. gardinen

9

Die vijf suldi aen malcanderen voeghen, ende die ses ooc aen malcanderen, soo dat ghi tseste ^* haren cleet) dubbel maect voor aen dat dack.

* th. gardinen

10

Ende ghi sult aen elc haren cleet vijftich litskens maken aen haer zoomen dat si metten zoomen aen malcanderen geuoecht worden.

11

Ende ghi sult L. coperen gardijn ringhen maken, daer die litskens mede met malcanderen geuoecht worden. ⁺ Dat van alle dese dinghen een tente worde.

+ C

12

Maer datter ouerschiet vanden haren cleederen die om tdac bereit worden (dat is) vanden grootsten haren cleet, vander eender helft suldi dachterste deel des tabernakels decken,

13

op beide siden een cubitus lanck, dattet ouerscot si op des tabernakels siden, ende bedeckense op beide siden.

14

Ouer dit decsel suldi maken van roode rams vellen, ende daer toe noch een decsel van vellen die gheel zijn als goubloemen.

15

Ghi sult ooc gescaefde barderen maken totten tabernakel, van vueren houte die staen sullen.

16

⁺Thien cubitus lanc sal een bart zijn, ende ander haluen breet,

+ D

17

twee scroeuen sal een bart hebben, dat deen aen dander geuoecht mach worden. Ende in deser manieren salmen alle die barderen totten tabernakel bereiden.

18

Vanden welcken sullender twintich in die zuytside zijn,

19

dien suldi .xl silueren fundament voeten ghieten, te weten, twee fundament voeten onder elc bart aen zijn twee hoecken.

20

Aen die ander side noortwaert sullen oock twintich barderen staen,

21

ende daer onder veertich silueren voeten, te weten,

[p. e5v]

twee voeten onder elc bart.

22

⁺Maer achter aen den tabernakel westwaert, suldi ses effen barderen maken,

+ E

23

ende noch twee ander barderen achter aen die twee hoecken des tabernakels,

24

dat elck bart met sinen hoecbart gheuoecht worde, ende van onder tot bouen gelijc te samen comen met eender crammen,

25

also datter achter barderen zijn met haeren silueren voeten, ende der voeten sesthien, twee onder elc bart.

26

Ende ghi sult ^* hantboomen) maken van vueren houte, vijf totten barderen op eender siden des tabernakels,

* th. rijchelen

27

ende vijf totten barderen op dander side des tabernakels, ende vijf totten barderen achter aen den tabernakel westwaert.

28

Ende ghi sult die hantboomen midden aen die barderen lancs door steken, ende alle te samen vaten vanden eenen hoeck totten anderen.

29

⁺Ende ghi sult die barderen met goude vergulden, ende haer ringen van goude maken, datmen die hantboomen daer inne doe, ende die hantboomen suldi met goude vergulden

+ F

30

ende also suldi dan den tabernakel op rechten, na dat beworp dat ghi ghesien hebt opten berch.

31

Ghi sult ooc maken een voorhancsel van gheelder siden, van scarlaken ende peerse side tweemael gheuerwet, ende ghetweernder witter siden, ^* met verheuen barduerwerc met schone verandelbaerheden te samen geuoecht,

* the. ende sult Cherubim daer aen maken costelic, ende sullet

32

ende sultse) aen vier calommen van vueren houte hanghen, die vergult zijn sullen, ende si sullen gulden knopen, ende vier silueren voeten hebben.

33

Ende ghi sult dat voorhancsel met haecken aen hechten, ende dye Arcke des ghetuyghenis binnen dat voorhancsel setten, datter v een onderscheyt si tusschen den heylighen, ende den alderheylichsten.

34

⁺Ende ghi sult den ghenaden stoel, op die Arcke des getuygenis setten inden alderheilichsten.

+ G

35

Ende die tafel suldi setten buyten den voorhancsele, ende den candelaer tegen die tafel ouer, ten zuyden waert van den tabernacule, ende dye tafele sal staen teghent noorden

36

Ende ghi sult ooc maken een cleet inden inganc des tabernakels, ghebreyt van geelder siden, roset root, scarlaken, ende getweernder witter siden, verheuen baerduerwerck.

37

Ende ghi sult vijf pilaren van vueren houte maken ende vergulden, voor die welcke dat cleet sal wtgespreyt worden. Wiens hooft knopen gouden sullen zijn, ende die fundament voeten metalen.

[kolom]

§ Die forme des altaers, ende van die zale des tabernakels ende van die olie der lampen.