De Vorsterman Bijbel

§ Dat .xvij. Capittel

1

ENde alle die ghemeynte der kinderen van Israel troc wt der woestinen Sin, haer dachreyse, soo hen die HEERE beual, ende si maecten haeren leghere in Raphidim, ende daer en had tvolc gheen water te drincken,

2

Ende si keuen tegen Moysen, seggende, Geeft ons water, dat wi drincken, Den welcken Moises antwoorde, Waer omme kijft ghy tegen mi? waer omme temteerdi den HERE?

3

Doen leet tvolck daer dorst bi ghebreck van water, ende murmureerde teghen Moysen, segghende, Waer om hebdy ons doen trecken wt Egypten, dat ghi ons onse kinderen, ende onse vee van dorste doet steruen?

4

Maer Moyses riep totten HERE, ende sprac, ⁺ Wat sal ic desen volcke doen? Het en schilt niet veel, si en sullen mi steenen,

+ B

5

Ende die HERE sprac tot Moysen, gaet tvolc vore, ende neemt sommige ouders van Israel met v, ende neemt dijn roede in v hant, daer ghy dat water mede sloecht, ende gaet,

6

Siet, ic sal aldaer voor v staen op eenen steen in Oreb, ende dan suldi den steen slaen, ende wt hem sal water loopen, dat dat volc drincke, Moyses dede also voor die ouders,

[p. e1v]

van Israel.

7

Doen hietmen die stede ^* tentacie ende kiuinge) om den twist wille der kinderen van Israel, ende om dat si den HERE temteerden, ende seyden. Is die HEERE onder ons oft niet?

[afbeelding]

* th. Massa, Meriba, (Massa) dat is tenteringhe oft beproeuinge. Meriba dat is twist oft gheschil.

8

⁺Doen quam Amalec ende street tegen Israel in Raphidim,

+ C

9

ende Moyses sprac tot Iosue. Kieset mannen wt, trect wt ende strijt tegen Amalec, Ic sal morgen staen optsop vanden hoeuele, ende die roede gods in mijn hant hebben,

10

Ende Iosue dede so hem Moses geseyt had, hi street tegen Amalec, Moyses ende Aaron ende Hur clommen op die tsoppe des hueuels,

11

ende die wise dat Moyses zijn hant op hief so verwan Israel. Maer als Moyses zijn handt neder liet, so verwan Amalec.

12

Maer Moyses handen waren swaer, daer om namen si eenen steen, ende leydenen onder hem, ⁺ ende hi sadt daer op, Ende Aaron ende Hur onderhielden hem zijn handen op elcker siden een, ⁺ ende tis gheschiet, dat alsoo en werden zijn handen niet moede tot dat die sonne onder ginc

+ Iu. iiij.d Sap. xi.a

+ D

13

Ende Iosue verwan Amalec ende zijn volc door des swaerts scerpte,

14

ende dye HEERE sprack tot Moysen, Scrijft dat tot eender gedenckenisse in een boec, ende leueret ouer inde ooren van Iosue, want ic sal die gedenckenisse van Amalec van onder den hemel wtwissen, datmen zijns nyet meer en gedencke.

15

Ende Moyses maecte den HEERE eenen altaer, ende hiet hem, Die HEERE ^* is mijn verheffinge) seggende.

* the Nissi Nissi heet mijn teeken gelijc een baniere, wapen oft vaenken inden strijt.

16

Want dye hant des HEREN alleen sal zijn tegen Amalech, ende zijn oorloge van geslachte tot geslachte.

§ Hoe Ietro Moyses sweer Moysi zijn huysurouwe ende [kolom] kinderen brengt.