De Vorsterman Bijbel

§ Dat .ii. ca.

1

ENde daer ghinc een man vanden huyse Leui, ⁺ ende nam een ^* huysfrouwe van sinen gheslachte)

+ Actu. vij.c

* th. dochter Leui

2

ende dat wijf ontfinc, ende baerde eenen sone, ⁺ Ende doen si sach, dattet een fijn kindeken was, verborchsi hem drie maenden,

+ A

3

Ende als si hem niet langher verborghen en konde, nam si een kiste van biesen, ende si bestreecse met lijme, ende pecke ende leyde tkint daer inne, ende steldet aenden oeuer vander rooder zee,

4

Maer zijn suster stont van verre, dat si beuinden wilde hoe dattet met hem verghaen soude.

5

Ende siet, Pharaos dochter quam neder om te baden int water, ende haer ioncwiuen ghingen aenden kant vanden water, ende als si die kiste in die roode zee sach, sandt si een van haer dienst ioncwiuen, ende lietet halen

6

Alst ghehaelt was, dedet si open, ende siende daer in een kindeken schreyende, heeft si zijns ontfermt, ende sprack tis een vanden Hebreeuschen kinderkens.

7

Doen sprac zijn suster, tot pharaos dochter, Wildi dat ic gha ende roepe een vanden Hebreeuschen wiuen, die daer sooghet, dat si v dat kindeken sooge?

8

Pharaos dochtere sprack tot haer, ⁺ ghaet, die maecht ghinc, ende riep des kints moeder,

+ B

9

Doen sprac Pharaos dochter tot haer, neemt dat kindeken, ende sooghet mi, ick salt v loonen, dat wijf nam nam dat kint, ende soochdet.

Ende doen dat kint groot geworden was bracht zijt Pharaos dochtere,

10

Si nam hem door verkiesinge in een plaetse van haeren [kolom] sone, ⁺ ende ghaf hem den naem Moyses, segghende, Ick hebbe hem wt den watere ghetrocken.

+ § Masa heet trecken daer af heetet Moyses getrocken, te wetene, wt den watere.

11

In dien tijden, als Moyses groot gheworden was, ghinc wt tot sinen broederen, ende sach haere verdruckenis, ende wert ghewaer dat een Egyptenaer sloech sinen broeder, een vanden Hebreuschen,

12

ende als hi rontomme herwaert ende ghinswaert ghesien hadde, ende sach datter niemant bi en was, versloech hi den Egiptenaer, ende groef hem in dat zant,

13

Des anderdaechs ghinc hi oock wt, ende sach twee Hebreeusche mannen kiuen, ende sprack totten ghenen die den anderen onrecht dede, Waerom slaedy uwen naesten?

14

⁺Maer hy sprack, Wye heeft v een rechter oft ouerste, ouer ons gheset? Wildy mi oock verslaen, ghelijck ghi den Egyptenaer ghisteren versleghen hebt? Moyses vreesde doen ende sprac, Hoe is ^* dit woort) openbaer gheworden?

+ C

* thebre. dit

15

^* Ende Pharao hoorde dese reden) ende Pharao sochte Moysen te dooden, Maer Moyses vloodt voor Pharaos ghesichte, ende onthielt hem int lant Madian ende hi sadt neuen een fonteyne.

* the. Ende het quam voor Pharao

16

Ende die priester van Madian hadde seuen dochteren, die quamen om water te sceppen ende vulden die goten, ende begheerden haers vaders kudden te drencken,

17

Doen quamen die herderen ende stietense daer af, Maer Moyses stont op ende beschermde die maechden ende drencte haer schapen.

18

Ende als si tot haeren vader ^* Raguel) quamen, sprac hi, Hoe sidy huyden so volcken ghecomen?

* th. Reguel

19

Si spraken, een Egiptisch man verloste ons vanden herderen, ende daer en bouen schepte hi ons water, ende drencte die schapen,

20

Hi sprac tot sinen dochteren, ⁺ Waer is hi? Waerom hebt ghi den man laten ghaen? ^* roept hem dat hi met ons broot ete)

+ D

* th. dat ghi hem niet en riept, dat hi met ons broot ate.

21

^* daerom swoer Moyses) dat hi met hem woonen soude, ende nam Sephoram zijn dochter,

* h. ende Moyses was gewillich

22

die baerde hem eenen sone, ⁺ ende hiet hem Gerson, want hi sprac, ic ben een vremdelinck gheworden in vremden lande, Ende si baerde noch eenen sonen, ⁺ dien hiet hy Elieser, ende sprac, Die God mijns vaders is mijn hulper, ende heeft mi van Pharaos handen verlost.

+ § Gerson heetet een vremde, of een buytenlantsche.

+ Elieser heet Godt mijn hulper.

23

^* Na veel tijts) sterf die coninc van Egypten, ende die kinderen van Israel suchteden ouer haeren arbeyt, ende riepen, ende haeren roep haers arbeyts quam voor God,

* h. Na sommige dagen

24

ende God hoorde haer suchten, ende gedachte aen zijn verbont, dat hi met Abraham, Ysaac, ende Iacob gemaect hadde,

25

ende die HEERE aensach die kinderen van Israel, ende ^* verlostese.)

* th. bekendet

[p. d2r]

[afbeelding]

§ Hoe Moyses die schapen wachte, ende Godt sprac vanden brandenden ende niet verbrandenden doorne ende seyndt Moysen tot die kinderen van Israel, ende tot Pharaonem den verdruckere.