De Vorsterman Bijbel

§ Dat .xvi. Capittel.

1

⁺SArai Abrams wijf en had hem geen kinderen gewonnen, maer si hadde een ioncwijf wt Egipten, die hiet Agar,

+ A

2

ende seyde tot Abram, siet, die HEERE heeft mi besloten dat ic niet ghebaren en kan, Legt v bi mijn ioncwijf, oft ic messchien wt haer mochte kinderen vercrighen, meer dan wt mi, Abram verhoorde die stemme Sarai.

3

Doen nam Sarai Abrams huysfrou haer Egiptsche ioncwijf Agar, ende ghafse Abram haeren man tot eenen wiue, na dien datsi thien iaer int lant Canaan gewoont hadde.

4

Ende hi ghinc in tot Agar, ende si ontfinc, ende als si sach, dat si ontfangen had, achte si te min op haer vrouwe,

5

Doen seide Sarai tot Abram, ⁺ Ghi leeft onrechtuaerdelijc tegen mi Ic heb mijn ioncwijf bi v geleyt, maer nv si siet, dat si ontfangen heeft, moet ic veracht worden van haer, die HERE si een rechter tusschen mi ende v,

+ B

6

Abram sprack tot Sarai, Siet, uwe maetht is onder v ghewelt, doet met haer alsoot v belieft.

Doense nv Sarai castijde, vloot si van haer,

7

Maer die Enghel des HEEREN vantse bi eender waterfonteynen, inder woestimen, te wetene, bi der fonteynen aen den weghe Sur,

8

ende sprack tot haer, Agar Sarai ioncwijf, van waer coemdy? ende waer wildy henen? Si sprack, Ick ben van mijnder vrouwen Sarai gheuloden,

9

Ende die Enghel des HEEREN sprack tot haer,

[p. a7r]

Keert weder om, tot uwer vrouwen, ende verootmoedicht v onder haer handen.

10

Ende ^* weder) Ick sal uwe zaet vermenichfuldighen, dattet van grooter menichten niet getelt en sal mogen worden,

* h. die engel des HEEREN seyde tot haer siet,

11

Noch ^* seyde hi) Siet, ghi hebt ontfangen, ende ghi sult eenen sone baren, sinen naem suldy Ismael heeten, ⁺ om dat die HEERE, uwe quellinlinghe verhoort heeft,

* h. seyde die Engel des HEREN tot haer

+ § Ismael heet Godt verhoordt

12

Hi sal een wilt mensche zijn, Sijn hant teghen eenen yegeliken ende een yegelijx hant tegen hem, ende hi sal teghen alle zijn broeders zijn woonstede setten

13

Ende ^* Agar) hiet den naem des HEEREN, die met haer sprac, Ghi God die mi siet, want si seyde, warachtich, hier heb ic, den rugge gesien, van dien, die mi sach,

* the. si

14

Daerom hiet si die fonteyne, Een fonteyne des leuenden die mi sach, Die daer is tusschen Cades ende Bared.

15

Ende Agar baerde Abram eenen sone, ⁺ ende Abram hiet den sone, die hem Agar baerde Ismael,

+ § Hagar heetet een ghast.

16

Ende Abram was sessentachtentich iaer oudt, doen hem Agar Ismael baerde.

§ Hoe Abraham die besnidenisse ontfanct, Ende Isaac hem belouet wert, waerom dat Sara lachte, Ende der Sodomiten verderffenisse wert voorseyt.