De Vorsterman Bijbel

§ Dat .x. Capit.

1

DIt zijn Noes sonen gheslachten, Sem Cham, Iaphet, Ende si wonnen kinderen na die diluuie.

2

Die kinderen van Iaphet

[p. a5r]

zijn dese, Gomer ende Magog, ende Madai, ende Ianan, ende Tubal, ende ^* Mosoch) ende Thiras

* th. mesech

3

Maer die kinderen van Gomer ^* zijn dese Asenez,) ende Riphat, ende Thogorma.

* the. Ascenaz

4

Die kinderen van Iauan ^* zijn dese Pelisa) ende Tharsis, Cethim, ende Dodanim, ⁺

* the. Elisa

+ .i.para. i.a

5

Van desen zijn wt gebreyt, die eylanden der heydenen, in haer lantschapen, elck naer haer spraken, gesinnen, ende geslachten. ⁺

+ § Die galathen die Schithen die meden die griecken die spaengiaerts die capodocien die tracen die paphapones die phriesen die ciliten die cipres die van rodes. Die mooren Die egiptinaren § Die libien die van cana die sabeen die arabers

6

De kinderen van Cham zijn dese Chus Mesrahim, ende Phur, ende Chanaan.

7

Maer Chus kinderen, zijn dese, Saba, Euila, ende Sabatha, Regma, ende Sabthaca. Maer die kinderen van Regma zijn dese, Saba ende Dadam

8

Maer Chus wan Nymroth, Die begonst een geweldich heere te zijn opter aerden,

9

ende was een geweldich iager, voor den HERE Daer wt comt dat gemeyn segghen, dat is een geweldich iager, voor den HEERE, gelijc Nymroth,

10

Dat begin zijns rijx was Babylon ⁺, ende Arach ende Archat, ende Chalanne int lant Sennaar,

+ Hier began trijc van babilonien, ende die afgederie ende tvier aenbatmen hier

11

Van dien lande, is daer na gecomen Assur, ende stichte Niniue, ende dier stadt straten, ende Calde

12

daer toe Resen tusschen Niniue ende Calde, Dits een groote stadt.

13

Mezraim wan Ludim, ende Enanim ende laabim, ende Nephtuim,

14

ende Phethrusim, ende Celuim, Van die zijn gecomen de Philistinen ende Caphturinen.

15

Ende Canaan wan Zidon sinen eersten sone, ende Heth,

16

ende Iebusi, ende Ammori, ende Gergesi,

17

ende Eui, ende Arki, ende Cini,

18

ende Aradi, Samari, ende Amathi. ⁺, Ende wt dese zijn gezaeyt tvolck der Cananiten.

+ Hier wert Ierusalem ghesticht

19

Ende die palen van Canaan waren van Zidon aen, door Gerar, tot Gaza toe tot datmen coemt te Sodoma, ende Gomorra ende Adama, Seboim, ende tot Lesa.

20

Dit zijn de kinderen Cham in haer maeschappen, ende spraken ende geslachten, ende luyden

21

^* Van Sem zijn ooc geboren die vader van alle kinderen Heber, die meeste broeder Iaphet)

* h. Sem de broeder van Iapheth die grootste wan oock kinderen die een vader is alder kinderen van Eber.

22

Ende dit zijn Sems kinderen, Helam, ende Assur, ende ende Arpharat, Lud, ende Aram. ⁺

+ die Elamiten die assirien die caldeen die lidien die sirien die armenien die messy

23

Die kinderen Aram zijn dese, Hus ende Hul, ende Gether, ende Mes.

24

Arpharat wan Sale, Sale wan ^* Heber,

* the. Eber

25

Heber wan twee sonen, Die een hiet ^* Phaleg) daerom, dat tzijnder tijt, die werelt ghedeylt wert Ende zijn broeder hiet Iectan,

* the. peleg (Peleg) int duytsce een deylinghe

26

Ende Iectan wan Elmodad, ende Saleph, ende Asarmoth, ende Iare,

27

ende Aduram, ende Vsal,

28

ende Abimahel, Saba

29

^* en Tophir), ende Decla, ende Euila, ende Iobab, dat zijn alle kinderen van Iectan,

* the. Ophir Ionitus Ades sone vant die astronomie

30

Ende haer wooninge was van Mesa aen, tot datmen coemt te Sephar, aenden berch teghent oosten,

31

Dat zijn die kinderen van Sem, in haeren maechschappen, ende spraken, ende landen, ende luyden.

32

Dat zijn nv die geslachten der kinderen [kolom] Noë, in haer geslachten, ende luyden, Van dien zijn gedeylt de luyden opter aerden, na de diluuie.

§ Van den torren van Babilonien.