De Vorsterman Bijbel

§ Dat .viij. Capittel.

1

⁺ENde God gedachte Noë, ende alder dieren ende alder beesten, die met hem inder Arcken waren, Ende ^*) liet wint op der aerden comen, ende die wateren vielen,

+ A

* the. Godt

2

Ende die fonteynen des afgronts werden verstopt, ende die ^* sluysen) des hemels, ende die reghen vanden hemel werden geweret,

* th. vensteren

3

Ende dat water verliep vander aerden, ende minderde, na hondert ende tvijftich daghen.

4

Ende op den .xxvij. dach der seuenster maent, quam die Arcke neder ^* op die bergen van Armenien)

* the. opt geberchte Ararat

5

Dwater minderde voort aen, ende minderde, tot op de tienste maent. Ten eersten dage des tiensten maents openbaerden die toppen der berghen.

6

Ende na .xl. daghen dede Noë die venster der [kolom] Arcken op, die hi gemaect hadde,

7

⁺ende liet een Raue wt vliegen ^* ende si vlooch wt, ende en quam niet weder, also lange, tot dwater) verdroogede opter aerden.

+ B

* thebre. die vlooch wt ende quam weder, alsoo langhe als dwater

8

Daerna liet hi een Duyue van hem wt vliegen, op dat hi wiste, oft dwater geuallen ware opter aerden,

9

Ende doen die Duyue niet en vant, daer haeren voet op gerusten conste, so quam si weder tot hem inder Arcken, Want dwater was noch opt geheel aertrijcke, Doen stac hi zijn hant wt, ende namse weder tot hem inder Arcken.

10

Ende doen heeft hi noch ander seuen dagen verbeyt, ende hi liet noch een Duyue vliegen wter Arcken,

11

Die quam tot hem aenden auont ^* brengende eenen olijf tac met groenen bladeren groeyende,) in haeren beck, Doen verstont Noë, dattet water geuallen was, op der aerden,

* the. Ende siet, een olijf bladt had si afgebroken ende droecht § Olie beduyt barmherticheyt ende vrede

12

Maer hi verbeyde niet te min noch seuen ander dagen, ende liet een Duyue wt vliegen, die en quam niet weder tot hem.

13

In den ses hondersten ende eenen iare, des ouderdoms Noë, ten eersten dage der eerster maent, ⁺ verdroogede dwater opter aerden. Ende doen dede Noë dat dack vander Arcken op ^* ende sach op) ende sach, dat daensicht der aerden drooge was,

+ C

* ten is niet int hebre.

14

Also wert daerde geheel drooge ^* den twintichsten) dage der tweester maent.

* the. seuenentwintichsten

15

Ende God sprack tot Noë, ende seyde

16

Gaet wt der Arcken, ghi ende uwe wijf, uwe sonen ende uwer sonen wiuen met v ^*

* the. alderley dier dat bi v is

17

Alderley dieren, die bi v zijn) van alderley vleesche, vogelen, van beesten, ende alderley gewormte dat opter aerden cruypt, dat brengt met v wt, ende ^* gaet) opter aerden, Ende wast, ende vermenichfuldicht v opter aerden.

* th. geneert v

18

⁺Also ginc Noë wt met sinen sonen, met sinen wiue ende zijnder sonen wiuen met hem,

+ D

19

Oock alderley dieren ^* beesten ende tgewormte, al dat opter aerden cruypt naer zijnder aert, dat ghinc wt der Arcken.)

* the. alderley gewormte alderley vogelen ende al wat opter aerden cruypt dat ghinc wt de Arcke een yegelic tot zijns ghelijcken

20

Ende Noë maecte den HEERE, eenen outaer, ende nam van alderley suyuere vee, ende van alderley suyuere geuogelte, ende offerde brantoffer op den altaer

21

Ende die HEERE rooc den lefilijcken rueck, ende sprac ^* tot hem) Ic en sal daerde niet meer voort aen, vermaledijen, om der menschen wille, want ^* den sin ende tgedachte des menschen hertte zijn geneycht totten quade) van zijnder ioncheit op, Ende ic en sal voort aen niet meer slaen, alle datter leeft, ghelijck ick ghedaen hebbe,

* the. in zijn hertte

* the. dat opset des menscelijken herte is quaet

22

☞ Alsoo langhe als die aerde staet, en sal niet ophouden, zaeyen, ende den oost, coude ende hitte, somer ende winter, dach ende nacht.

§ Hoe God Noë ende zijn sonen gebenedijde Ende met hen een

[p. a4v]

verbont maecte ende beuestichde dat houwelijck, trecht des zweerts, ende den regenboge tot een teeken.