De Vorsterman Bijbel

§ Dat .v. Capittel.

1

⁺DIt is dat boec van Adams geboorte, ter tijt, doen God den mensce schiep, ende maecte hem na die gelikenis Gods, ⁺

+ A

+ Eccl. vij.a

2

Hi sciepse een manneken ende een vrouken, ende gebenedidese, ende hiet haeren naem Adam, ⁺ ter tijt, doen si gescapen werden.

+ Adam, dat is, mensch

3

Ende Adam was .C. ende .xxx. iaer out, ende wan eenen sone die hem heel gelijc was, ende hiet hem Seth,

4

ende leefde daer na .viij.c. iaer, ende wan sonen ende dochteren,

5

Also dat zijn geheel ouderdom wert .ix.c. ende .xxx. iaren, ende sterf.

6

⁺Seth was .c. ende .v. iaer out, ende wan Enos,

+ B

7

ende leefde daer na .viij.c. ende .vij. iaer, ende wan sonen ende dochteren,

8

dat al zijn dagen waren negenhondert, ende twaelf iaer, ende sterf.

9

Enos was .xc. iaer out, ende wan Cainan,

10

ende leefde daer na .viij.c. ende .xv. iaer, ende wan sonen ende dochteren,

11

dat al zijn daghen werden negenhondert, ende vijf iaer ende sterf.

12

Cainan was .lxx. iaer out, ende wan Mahalaleel,

13

ende leefde daer na .viij.c. ende .xl. iaer, ende wan sonen ende dochteren,

14

dat al zijn ouderdom wert negenhondert ende .x. iaer, ende sterf.

15

Mahalaleel was .lxv. iaer out, ende wan [kolom] Iared

16

ende leefde daer na .viij.c. ende .xxx. iaer ende wan sonen ende dochteren,

17

dat al zijn ouderdom wert achthondert, ende .xcv. iaer, ende sterf.

18

Iared was .c. ende .lxij. iaer oudt, ende wan Enoch,

19

ende leefde daer na .viij.c. iaer, ende wan sonen ende dochteren,

20

dat al zijn ouderdom wert negenhondert, ende .lxij. iaren, ende sterf.

21

Enoch was .lxv. iaer out, ende wan Mathusalem,

22

ende leyde een godlijc leuen. drie .c. iaer daer na, ende wan sonen ende dochteren,

23

dat al zijn ouderdom, wert driehondert, ende .lxv. iaer,

24

ende want hi goddelijck leefde, nam hem Godt wech, ⁺ ende en wert niet meer ghesien.

+ Ecc. xliiij.e Heb. xi.a.

25

⁺Mathusalem was .c. ende .lxxxvij iaer out, ende wan Lamech,

+ D

26

ende leefde daer na seuenhondert, ende tweentachtentich iaer, ende wan sonen ende dochteren,

27

dat al zijn ouderdom wert neghenhondert iaer, ende .lxix. ende sterf.

28

Lamech was hondert, ende tweentachtentich iaer out, ende wan eenen sone,

29

ende hiet hem Noe, ende sprack, Die sal ons troosten in onsen wercken, ende inder becommeringhe onser handen opter aerden, die die HERE vermaledijt heeft,

30

Daer na leefde hi vijfhondert, ende .xcv. ende wan sonen ende dochteren,

31

dat al zijn ouderdom wert seuenhondert ende .lxxvij. iaer, ende hi sterf.

32

Noe was vijfhondert iaer out, ende wan Sem, Cham, ende Iaphet.

[afbeelding]

§ Hoe Godt om der menschen sonden wille, die gheheel werelt liet vergaen metten watere wtgenomen Noe metten sinen, ende van allen dieren een paer, ende hoe hi die arcke maken soude.