Verloren Sone
(1908)–Anoniem Verloren Sone–
Auteursrecht onbekendHoe den verloren Sone zijns Vaders Juweelen ende Silveren werck gaet stelen.ALs dan desen verloren Sone het selve gheldeken dat hy hadde onnuttelijcken in het Bordeel met de Vrouwen om ghebrocht hadde, daer hem die Roeckeloose ende verdorven KinderenGa naar voetnoot4) wel toe gheholpen hadden ghelijck alsulcken gheselschap ghemeynelijcken doet. Soo is hy van zijn gheselschap ghescheyden ende is nae zijns Vaders huys ghegaen daer hy ontrent bleef wachtende soo langhe tot dat daer niemant in huys en was dan eenen van zijns Vaders knapen. Ende terstont als hy dat wiste is hy heymelijck int huys ghegaen ende heeft een Contoor oft kiste open ghebroken daer sijns Vaders Silverwerck inne stont d'welck hy al ghenomen heeft om met hem te draghen. Ende zijns Vaders Knape dat ghewaer wordende seyde: | |
[pagina 13]
| |
Wien hoore ick daer binnen?
Den verloren Sone.
Wat leyter u aen vuyl bruytGa naar voetnoot1)?
Den Knape.
Wien hoore ick daer binnen?
Den verloren Sone.
Suldy te rasen beginnen
Oft wat sal u ghebreken.
Den Knape.
Laet ons met sinnen spreken
GracelijckGa naar voetnoot2) sonder verstoort te zijne.
Den verloren Sone.
Ick en neme niet dan d'mijne
Oock en doe ick gheen overmoetGa naar voetnoot3)
Want soo wel als mijn broeder ick moet
Die helft hebben allegader.
Den Knape.
Jae maer wat sal segghen u Vader
Als hy des sal zijn vroedere.
Den verloren Sone.
T'is vant goet van mijnder moedere
Segghen dat hy segghen wille
Ick weet wel dat hy sal zijn in gheschilleGa naar voetnoot4)
| |
[pagina 14]
| |
Ende dat hijsGa naar voetnoot1) sal hebben verdriet
Maer immers en seght hem niet
Dat ick hebbe gheweest die man.
Den Knape.
Wie sal ick segghen dan
Die hem ghedaen heeft dat leet.
Den verloren Sone.
Seght dat ghy dacr af niet en weet
Noch hier niemant en hebt vernomen.
Den Knape.
T'moet nochtans t'sijnder kennisse comen
En gheweten sijn hoement keert oft went
Want Godt en is gheen dinck onbekent
Daerom siet wel wat ghy bestaet.
Den verloren Sone.
Wat leyter my aen hoe dat gaet
Seght hem vry dat ickt heb bedreven
Ick en sal noch niet te ronwelijcker leven
Dus segghet hem vry.
Den Knape.
Men sout oock anders houwen op my.
Den verloren Sone.
Ick wil by den schoonen Vrouwen
Sonder verflouwen
Gaen met deser proyen
Ende schattenGa naar voetnoot2)
| |
[pagina 15]
| |
|