Venus minne-gifjens

[Ghy Rymers die in veersen sucht]

Op de Voyse: Quand je voy son bel oeil, &c.

1.

GHy Rymers die in veersen sucht
Veul Jammer klucht,
En stroyt u arbeyt inde windt
Vol ydelheden,
Daer ghy ons mede
Als sotten bindt.

2.

V vermaen ick dat ghy eens staeckt,

En spuwent braeckt
Alle dees sotheyt uyt u hooft,
Die met pronck reden
Ghy ons ginckt smeeden
Van sin berooft.

3.

Laet vry u minne doot en kout,

Die nu heel out
Leyt gants verstorven onder d’as
Eens zijn vergeten,
En u waen weten
V vlieden ras.

4.

Hoort nae d’oprechte Minnaers klacht

En keurich acht
’T gheen haer de Liefde doet bestaen,
Soo suldy mercken
Dat al u wercken
Is ydel waen.

Ronsaeus.