Veelderhande gheestelicke liedekens(1558)–Anoniem Veelderhande gheestelicke liedekens– Auteursrechtvrij Vorige Volgende C Na de wijse. Hoe ligdy nv en slaept. VUaer lighdy nv en slaept So vast in schijn van droomen Eer v die doot betraept So vliet der sonden toomen Uerlicht ws leuens staet Uernieut in gheest en leuen Coemt tot den Aduocaet Die ons God heeft ghegheuen Hy is selue voorwaer Die versoeninghe onser sonden [pagina 388] [p. 388] Den hoecksteen of pilaer Die vast blijft onuerslonden En voor hem en staet gheen macht Tghewelt moet voor hem wijcken Hy verwinnet door zijn cracht Des duyuels boos practijcken. Hy sal v wel ontfaen Wildy al tot hem comen Uan allen last ontlaen Hy heeft op hem ghenomen Onser schulden groot ghetal Naer Esaias schrijuen Hy heeft ons groot en smal Ghemaect met siele en lijuen. Die nv den mensche maect Sal hem oock voetsel gheuen Dus alle sorghe slaect En zijt doch eerst ghedreuen Na Gods gherechticheyt Sijn rijcke soect tallen stonden Wat v dient ter behoefticheyt Sal v toe zijn ghesonden Bidt God om broot, hy sal U dat broot vrywillich gheuen Dat ons hier in dit dal Gheeft dat eewich leuen Dat en is dat Manna niet Datse inder woestynen aten Want sy storuen oock siet En moesten de doot smaken. Want die dit broot wel smaect Dat oock Christus sal gheuen Is vander doot ontwaect Want hy sal eewich leuen Bidt God om v behoet Die sal de siele spijsen Al met zijn woorden soet [pagina 389] [p. 389] Daer in wilt veriolijsen Der valscher leeraers broot En mach ons niet versaden Want tis wt door boosheyt groot Als caf vol onghenaden Dat woort Gods is voorwaer Een vier dat sal bederuen Dat caf der leeringhen swaer Daer die siele door moet steruen. Want hy en wilt die doot Des sondaers niet, noch tsneuen Maer dat hy bekeere bloot Tot God, en hael daer tleuen Want hy is neder ghedaelt En ghebacken tonser vramen Met tvier der liefden doorstraelt Aent cruyce voor ons al tsamen. O Prince Goddelick keest Wilt ons wt liefde schencken Uwen heylighen gheest Wilt ons vianden crencken Dat niemant ons en mach Letten in gheender zijden Want v hoocheyt vermach Ons te ghebenedijden. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij