Veelderhande gheestelicke liedekens(1558)–Anoniem Veelderhande gheestelicke liedekens– Auteursrechtvrij Vorige Volgende C Een ander. O Dochter van Syon lief vercoren Fraey edel blinckende Diamant Schoon roose onder den doren Seer vruchtbaerlick van my eerst gheplant Siet nv hoe triumphant Al metter minnen brant Ick als bruygom uwer sielen hier Come wt mijns vaders lant Om v te doen bystand Want liefde is ons rechte banier. Door domloopen der stadt mijn kare En tsoecken met v wijsheyt seer cleen En wort ghy my gheensins gheware Maer koemt door den wachters in gheween Dan in v ruste reyn Ghelatentheyt certeyn Uint ghy my saen met trooste bereyt Want ick moet zijn alleen Die leyt den eersten steen Uan de stadt v hoochste salicheyt. Hierom segt my mijn duyue schoone Waer ghy weydt oft rustende zijt Op dat ghy van my krijcht te loone Mijn trouwe onser sielen iolijt Want siet des winters tijt Des vyants macht en nijt Is door my al schier heel vergaen Den somer diet al vrijt Dats mijn ghenade wijt Is ghecomen en sal blijuen staen. Den vijghboom heeft knoppen ghekreghen Mijn gauen heb ick ghestort seer soet Den wijnstock is bloeyende bedeghen Mijn woort door reyn leeringhe vroet [pagina 342] [p. 342] U wort al tot goet Op dat heel v ghemoet En herte sou hanghen vast aen my En wy saen metter spoet Door liefde diet al doet Mochten woonen te Engady Coemt laet ons de vossen vanghen Die hier teghen zijn dach ende nacht Die de wijnberghen door loose ganghen Dick verderuen benemen haer kracht Dit boos slanghen gheslacht Met svleeschs vernuft beuracht Seer bedrieghelick in haer voorstel Die altijt onbedacht Mijn woorden goet en sacht Oock veruolghen en zijn rebel. Princersse ghy schoonste der vrouwen Wiens siele mijn herte bemint Stelt alleen v hope en betrouwen Op my uwen alderliefsten vrient Dat zijn de borstkens kint Die van my zijn besint Aen v my lieflick en aenghenaem Den Nardus ongheschint De Mirre reyn gheint Daer ick na hake met luste bequaem Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij