Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse dat ick om een schoon vrouwe moet steruen.
KEert v van uwen boosen weghen
O ghy menschen opstinaet
Bekeert v alle tot God te deghen
Want na desen tijt verstaet
En is gheenen tijt desolaet
Om boet te doene dit aenkleeft
Ghelijck de Enghel met groot behenghel Ga naar margenoot+
In Apocalipsis ghesworen heeft.
O ghy menschen quaet van gheeste
Die Gods wille altijt wederstaet
Door den raet al van de beeste
En door valscheyt van zijn dienaers quaet
Die altijts leeren onueruaert
Teghen die gheboden van God den Heere
Met alle haer crachten, en groote machten
Uersmadende altijt Gods eere.
O ghy arch gheslachte der slangen Ga naar margenoot+
Hoe sult ghy Gods oordeel ontgaen Ga naar margenoot+
Want v boosheyt en al v ganghen
Sijn totten hemel toe ghecomen saen
En ghy sult dobbel vergheldinghe ontfaen
Uan al v boosheyt en ouerdaet
Hy sal v betalen, en wel achterhalen
Waer dat ghy vliet, of henen gaet.
Dobbel vergheldinghe sal hy v schencken Ga naar margenoot+
En weder gheuen in uwen schoot
Om dat ghy spreect niemant mach my krencken
Ick en sal sien oock gheenen noot
Ick sitte als een koninghinne groot
| |
[pagina 266]
| |
En ick en sal gheen weduwe zijn
Daerom sullen v plaghen, en groote slaghen
Op eenen daghe komen fijn.
Die sondaer en derf niet spreken
Ga naar margenoot+ Dat hy niet en heeft ghesondicht voorwaer
Want men sal vierighe colen ontsteken
Al op zijn hooft vergaderen dits claer
Die daer sprekende is eenpaer
Ick en hebbe niet ghesondicht quaet
Al teghen den Heere, noch syne leere
Oft teghen zijn woorden delicaet.
O boose weerelt wat sult ghy maken
Als die Heere v besoecken sal fijn
Hoe sult ghy met v sonden ontraken
Ga naar margenoot+ Uoor God ende die Enghelen fijn
Als ghy sult aenschouwen zijn klaer aenschijn
Siet God is de rechter ouer al
Wilt hem aencleuen, so suldy met hem leuen
En van die doot hy v verlossen sal.
Ga naar margenoot+ Wilt v altesamen tot my bekeeren
O ghy menschen wie dat ghy zijt
So wil ick my oock tot v keeren
En v gheuen al sonder respijt
Mijn rijcke den eewighen tijt
En v verlossen al metter spoet
Uan die eewighe doot, en tormenten groot
En ick wil v gheuen mijn eewich goet.
Noch sal ick v gheuen sonder sneuen
Ga naar margenoot+ Te sitten met my op mynen stoel groot
Ga naar margenoot+ En ick wil v oock te eten gheuen
Ga naar margenoot+ Al vanden verborghen hemelschen broot
En drencken v met claer water minioot
Ende v my trouwen inder eewicheyt
Wilt hier op dencken, niemant mach v krencken
Betrout op my so ick v heb voorseyt.
Predict ende laet oock weten
Al van den gherechtighen schoon
| |
[pagina 267]
| |
Dat zijt goet hebben want sy sullent eten
De vruchten van haerder handen loon
Maer die wercken der goddeloosen coen
Die sal hy verghelden met thoornicheyt
Uier en wormen, sal hy haer geuen met stormen Ga naar margenoot+
Dat sy bernen en gheuoelen in eewicheyt. Ga naar margenoot+
Hoort na my spreect die Heere ghepresen
Ghy die de gherechticheyt begheert met vlijt
En die den Heere soecken te vreesen
Aenschout die steenrootse die voor v strijt
En daer ghy oock wt ghehouwen zijt
Ick ben v trooster weest niet veruaert
Ick sal v verblijden, en voor v strijden
En vreest gheen tormenten vier ofte sweert.
Merckt op my mijn volck al ghemeyne Ga naar margenoot+
Ghy die de gherechticheyt kennet wel
O ghy volck die mijn wetten reyne
Al in v herten draghet snel
Uerslaet v niet al versmaetmen v fel
Noch van lasteringhe der menschen boos
Want die motten, sullense doorrotten
Maer mijn gherechticheyt die blijft altoos.
Soeckt den Heere so sult ghy leuen Ga naar margenoot+
Uerkiest het goet al voor het quaet
So sal hy v beschermer wesen
Ende v vasticheyt zijn verstaet
en weest niet bedroeft noch desperat
Al valt v dat lijden dickwils swaer
Wilt v in duechden, altijts veruruechden
Hebt lief de gherechticheyt volchtse naer.
O Princelicke Heere der heeren
U sy lof prijs eere en maiesteyt
Die ons gheeft v rechte leere Ende uwen geest al ouer ons breyt
Wy willen v dienen in gerechticheyt
Want ghy zijt alleen onse lofsanck soet
Ons eewighe vader, ende bewaerder
| |
[pagina 268]
| |
Wel hem die v verbeydet met ootmoet
|
|