Veelderhande gheestelicke liedekens(1558)–Anoniem Veelderhande gheestelicke liedekens– Auteursrechtvrij Vorige Volgende C Na de wijse. My minde een ruyter dat was waer. ICk bidde v Heer dat ghy my bystaet Helpt my so en vrees ick niet hoet gaet Al versteect my die werelt quaet Mijn toeuerlaet, so sult ghy zijn Op elck termijn Uerlost my Heere door v Goddelick aenschijn. Uander weerelt waert ghehaedt oock ghy Wie v oprecht volghen sal wie dat sy Uan sweerelts haet en is hy niet vry Dus segt elck fy, en wiltse vlien Tot allen termijn De weerelt en die in haer verblien Gods rijck en is van deser weerelt niet Hy beloeft de syne hier swaer verdriet Maer namaels sullen sy een vrolick liet So ons bediet, schriftuere schoon Uoor haren loon Singhen metten Lamme inden hoochsten troon. Hoe mach yemant wesen so dwaes Dat hy om een verganckelick aes Uerliesen wilt deewich solaes Tghelooue is schaers, in hem diet doet Kiesen onuroet Sweerelts ghenoechte voor dat eewich goet. So wie dat ghelooue heeft oprecht Dwelck door Gods liefde vromelick vecht Hy en sal niet achten wat de werelt seght Maer als goet knecht, God volghen naer Sijn woort voorwaer [pagina 256] [p. 256] Belijden den menschen vry sonder vaer. De liefde is ter werelt cout Dat machmen mercken aen ionck ende oudt Die sonde regneert nv menichfout Int quaet seer stout, in duechden bloot Luttel deuoot Helpen haren naesten wter noot. Die weerelt is nv in boosheyt ghestelt Den eenen mensche den anderen quelt Dat hy niet en weet wat menich relt De liefde smelt, aen elcken cant De menschen want Oordeelen elck na haer verstant Wy benijden deen des anders gheluck Deen iaecht den anderen inden druck Int quaet beseghen wy menighen truck Wy gaen seer cuck, groot ende cleen Fraey int verleen Oorlof aen elcken als ick moet scheen. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij