Veelderhande gheestelicke liedekens(1558)–Anoniem Veelderhande gheestelicke liedekens– Auteursrechtvrij Vorige Volgende C Na de wijse. Hier coemen dry ghildekens licht gheladen. HOort toe ghy Christenen scharen Hoort, siet, en verstaet Hoe dat ons sonder sparen Ons viant ommegaet Als een Leeu onuersadich Al om een wilt foreest Loopt seer onghenadich Al met een groot tempeest Smaect desen keest Hem niet en vreest Maer alder meest Door Gods gheest Doet dat de liefde heest Gods liefde sietmen blijcken Want daer sy coemt voorwaer Daer moet die vreese wijcken Dat tuycht Ioannes claer Wilt v in haer gheneren Maect haer altijt bekent Laetse in v domineren En zijt toch niet verblent Al is absent En niet present Troost sonder ent Tfenijnich serpent Is door Gods doot gheschent. En vreest gheen ander saken Die v moghen aenstaen Dan der sonden ghenaken Tot haer en wilt niet gaen Uliet van haer tallen stonden Als van der slanghen fenijn [pagina 178] [p. 178] Oft anders wert verslonden U siel door haren schijn Bitter als brijn Is haer ghepijn Treckt ghy die lijn So suldy dan fijn Met haer bedroghen zijn. Wilt v vp Christum verlaten Die ons vercoren heeft Doen wy noch waren verwaten Quam hy die eeuwich leeft Om onse boosheyt steruen En bracht ons door zijn doot Totter eewigher eruen Die Adam vaste sloot Maer door dexploot Uan Christus bloot Sijn wy ghenoot Door zijn macht groot Tghequel des duyuels vloot Prince wilt v betrouwen Op dat ons Petrus seyt Dat wy vry van rouwen Door Christus werden gheleyt In trijck daer wert gheleken Duysent iaer als een dach Die gisteren is besweken Dus en maect gheen ghewach Uan tcrusen verdrach Ureest zwert oft slach Spot noch ghelach Want van tgheclach Hy v helpen mach Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij