Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse. Ghy amoreuse ontwaect.
GHy Christen menschen ontwaect
Ende Gods woorden smaect
Niet langhe en slaept
God roept ons alle ghemeene
Der werelt vruechden staect
Naer Gods beloeften haect
En v seluen versaect
Toont v ghelooue reene
Want Christus is onsen troost alleene.
Weest vrolick allegaer
Tot desen niewen iaer
Sijt sonder vaer
Alle die in Christo zijn herbooren
Ga naar margenoot+ Sijn iock is licht voorwaer
Uolcht zijn woorden naer
Wt liefden openbaer
En laet v ghelooue hooren
Want Christus bemint zijn wtuercooren.
Uerblijt v alle in dit kindekijn
En wilt nv vrolick zijn
Ontslaet v alle pijn
Hy sidt by den Uader verheuen
Hy is ons medecijn
Hy gheneest ons crancheyt fijn
Met oly ende wijn
Wilt hy alle misdaet vergheuen
So sullen wy eewich leuen.
Broeders zijt nv eens sins ghemoet
Want Christus die is ons goet
Dit kindeken soet
| |
[pagina 139]
| |
Dat die Uader ons heeft ghesonden
Tot onser sonden boet
Sijt simpel ende vroet
Naer Gods woorden doet
Waect en wort wacker gheuonden
Want die Heer en coemt niet tot allen stonden.
O alderliefste zijt doch wel bedacht
Ende Christus toecoemst wacht
Dach ende nacht
Is alle die werelt in lijden
Die Propheten werden volbracht
Die duyuel voor zijn iacht
Christus die toont zijn cracht
Denct om die leste tijden
Ghy wtuercoren wilt v in God verblijden.
Christen mensche neemt dit in danck
Die in die liefde zijt cranck
Gaet nv den rechten ganck
En versoent Christum alle gare
In zijn leden al sonder bedwanck
Sy wachten al na den ontfanck
Ick bid v en toeft niet lanck
Sy hebbens noot voorware
Uersoect Christum tot desen niewen iare.
|
|