Veelderhande gheestelicke liedekens

C Een ander.

GHy Christenen wilt ontwaken, saen
Uwen naesten wilt ontfermen
Draecht last die totten saken, staen
Ghy besorghers vanden armen
Duer tgelooue liefde bewijst
Den naecten cleet, den hongherighen spijst
Meest na dwerck sal vraghen
Christus ten laetsten daghen.

U sacraficie die ben ick moe
⁺ Ghy moet v anders bereyden
Alle creaturen die hooren my toe
Die op de berghen weyden
Den dorstegen laeft, door goet bescheet
Herbercht hem die nieuwers vluchten en weet
Meest na dwerck sal vraghen
Christus ten laetsten daghen.

U brantoffer en gheer ick niet
Hoort al na Gods vermonden
Bermherticheyt uwen naesten biet

+ Psal.50.

[p. 127]

 

Wt liefden bedect v sonden

 

Uerlost de gheuangenen wt den banden stranck

 

Uertroost uwen broeder hy leyt so cranck

 

Meest na dwerck sal vraghen.

 

Christus ten laesten daghen.

 

 

 

Hoort toe ghy menschelicke iuecht

 

Wiltse ghebenedijden

 

Die v haten, doet die duecht

 

Bemintse die v benijden

 

Ist dat yemant uwen mantel begheert

 

Gheeft hem den rock spreeckt Christus expeert

 

Meest na dwerck sal vraghen

 

Christus ten laetsten daghen.

 

 

 

Met vasten doedy v seluen veel ghepijns

 

Thooft draeyt v ghelijck een coorde

 

U herte is van binnen vol fenijns

 

Die prophete schrijuet met Gods woorde

 

Schoert v herte, niet v cleederen bloot

 

Uwen naesten suldy breken v broot

 

Meest na dwerck sal draghen.

 

Christus ten laetsten daghen