Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijEen ander.
GHy Christenen verstaet wel mijn bediet Ga naar margenoot+
Die rijcke en acht den armen niet
Dat gaet ons Lucas vertellen
Die rijcke man die leckerlick adt
Ende die den armen Lasarus vergadt
Die leyt nv begrauen inder hellen.
Hy lach ghestreckt voor zijn duer om Godt
Die rijcke hiel daer mede synen spodt
Hy en wilde niet ontbeeren
Doen quamen die honden, wilt dit door gronden
Uan die tafel gheloopen in corte stonden
Ende leckten Lasarum zijn sweeren.
Die bedelaer is ghestoruen die doot
Uan Gods engelen geuoert in Abrahams schoot
Die Rijcke sterf oock in corter stont
Hy wert gheuoert inder hellen gront
Daer niet en is dan suchten ende beuen.
Daer hy lach inder pijnen groot
Sach hy Lazarum sitten in Abrahams schoot
Die rijcke en wil dit niet verghessen
Hy bat oft Lasarus mocht comen inder hellen gront
En doen een droppel waters in synen mont
Om zijn tonge vanden heeten brant te lesschen.
Wanneer ghy de schriftuere wel doorsiet
So en mochtet hem ghebueren niet
Dit was tot zijnder onvromen
| |
[pagina 126]
| |
Sent hem dan int huys des vaders mijn
Daer nocht vijf broeders van my zijn
Dat sy in dese tormenten niet en comen.
Abraham antwoorde hem die daer lach int verdriet.
Sy hebben Moyses ende Propheten hooren sy die niet
Men sal Gods woort niet verdoouen
Al waert dat yemant vander doot verrees
Ende die hem dit altemael bewees
Sy en soudens oock niet gheloouen.
Prince God hier mede eynde ick mijn liet
Het is warachtich aldus gheschiet
Lucas die heuet ons gheschreuen
Die bedelaer die daer badt zijn broot
Die rust nv daer bouen in Abrahams schoot
Die rijcke man bleef van God verdreuen.
|
|