Veelderhande gheestelicke liedekens
(1558)–Anoniem Veelderhande gheestelicke liedekens–
Auteursrechtvrij
[pagina 118]
| |
C Een dancksegghinghe na den eten, op de wijse. O God wy dancken dijner goet.
Ga naar margenoot+ GHy o mijn siele den Heere loeft
Die met verchiertheyt hooch luchtet
Sijn heerlicheyt gaet eewich op
Sijn goetheyt de eerde bevuchtet
Dat sy bringht vrucht op berch en dal
Cruyt kooren en alles ouer al
Tot spijse den vee ende den menschen.
Ghy laet dat broot nv ons tot goet
Opwassen al vander eerden
Den wijn oock die vrolick maect den moet
Die olie laet ghy ons weerden
Dijn wonder wercken zijn groot in al
Dijn rijcke gauen hebben gheen ghetal
Die de gheheel eerde veruullen.
Alle creatuer wacht op v hier
Dat ghy haer gheeft hare spijse
Als ghy het haer gheeft, dan nement sy
Als v hant haer die doet wijsen
Dan werden sy met goeden sat
Daer teghen crachtloos en mat
Als ghy dijn aenschijn verberghet.
Als ghy haerlieden den geest ontwent
Tot stof sy dan weder werden
Tleeft al als ghy dijn gheest wt sent
Ende wert vernieut die eerden
Den Heere al mijn leuen lanck
Wil ick louen met mijnen sanck
Ende singhen Alleluya.
|
|