Veelderhande gheestelicke liedekens

C Een liedeken van Bruessel te Ghent ghesonghen.

FRaey gheestkens reyn, coemt alle ghemeyn
Int Ghentsche pleyn, totter fonteyn
Solaes en vruecht vermeeren in alder eeren
Want tis certeyn, een snoo vileyn
Die dionstich greyn, veracht so cleyn
Waer in datmen mach leeren, het recht bekeeren
Sulck toocht zijn valsche grille
Broeders tuwen spijte
Uerdraecht om beters wille, alst past by apetijte.

Dit goet opstel, beuiel ons wel

[p. 115]

 

Dies wy seer snel, quamen int spel

 

Om trecht van deser vraghen, met ons te draghen

 

Want twroeghen fel, dede ons ghequel

 

Door vreemden rel, ons seer rebel

 

Daer wy ons voor ontsaghen, tot desen daghen

 

Den gheest en swijcht niet stille

 

Maer roept nv met iolijte

 

Uerdraecht om beters wille, alst past by apetijte.

 

 

 

Schoone Maecht van Ghent, goet regiment

 

Hier is ontrent, wijsheyt present

 

Goen raet so hebdy binnen, en cloecke sinnen

 

U wesen ient, en was noyt gheschent

 

U lof gheprent, blijft ongheent

 

Datmen v hoort bekinnen, dwoort Gods wt minnen

 

Dwelck ghy sonder gheschille

 

Tot salighen profijte

 

Uerdraecht om beters wille, alst past by apetijte.

 

 

 

Fonteynelick saet, wijs inden raet

 

Tserpentich quaet, ghy wel verstaet

 

Twelck nv met veel manieren, leert zijn scholieren

 

Maer tis te laet, ghecomen iaet

 

Den dagheraet, nv schoone opstaet

 

De sonne schijnt vroech te vieren, wilt vroeht hantieren

 

Die lazen metten brille

 

Sijn nv dat doncker quijte

 

Uerdraecht om beters wille, alst past by apetijte.

 

 

 

Prince valliant, die conste plant

 

Den boeck playsant, toocht zijn verstant

 

Wilt hem nv ouerlesen, ghy sult ghenesen

 

Die Bruessel zant, hier wt Brabant

 

Int Ghendtsche lant, daert conste vant

 

Het Tijteloosken in desen, broeders gepresen

 

Al draeyt sulck sot zijn spille

 

Ons tot eenen verwijte

 

Uerdraecht om beters wille, alst past by apetijte.