Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse. Een meysken heb ick so seer bemint.
EEn nieu liet so heffen wy an
Hoort toe ghy Christenen allen
Uan onsen eersten Uader Adam
Ga naar margenoot+ Hoe dat hy is gheuallen
Sijn eyghen wijsheyt heeft hem bedroghen
Hy heeft gheuolcht zijns selfs raet
Een mensche die op hem seluen staet
Gods gheest wort hem ontoghen.
Ga naar margenoot+ Adam was binnen den Paradijsen
Ghestelt van onsen Heere Godt
Den boom des wetenschaps ginc hy hem wijsen
En hy gaf Adam een ghebodt
Dat hy daer af niet en soude eten
Adam vernam door des duyuels raet
Dat hy soude weten goet ende quaet
Doen heeft hy inden appel ghebeten.
Adam is van Godes woort gheweken
En so in sonden ghecomen
Doen heeft hy bekent zijns selfs ghebreken
Ende heeft vijghbladeren ghenomen
Maer ten mocht hem gheenen troost gheuen
Sijn herte dat bleef altijt verstoort
Want alleen by des Uaders woort
| |
[pagina 107]
| |
Daer moet die siele by leuen.
God die niemant begrijpen en can
Die hadde den mensche seer wtuercoren
En sach alle de kinder van Adam an
Dat sy moesten zijn verloren
Doen heeft hy hem een belofte ghegheuen
Dat sy noch een saet souden crijghen
Twelck des duyuels hooft sal door rijghen
Daer zijn sy vast op ghebleuen.
Die Uader heeft die bruyloft bereyt
Om ons zijnen Sone te gheuen
Die liefde die hy tot ons leyt
Heeft hem daer toe ghedreuen
Dat hy ons voor zijn bruyt wil trouwen
En maken ons alle zijn goet ghemeyn
Door tghelooue moet dit gheschien
Dat wy zijn beloften houwen.
Christus is wt zijn glorie ghegaen
En is inden vleessche ghecomen
En heeft die wet voor ons voldaen
Dus en mach ons niemant verdomen
Wy waren daer aen ghebonden
Maer Christus die heeftse nv op gheheuen
Want sy en heeft ons niet meer ghegheuen
Dan kennisse van onsen sonden.
Ghelijck wy alle door Adam steruen
Als Paulus heeft beschreuen
So worden wy nv door Christus eruen
Kinderen van dat eewighe leuen
Wy zijn door hem ghenesen
Door Adam is die sonde ghecomen
Christus die heefse weder wech ghenomen
Laet ons dancbaer wesen.
Christus heeft doch selue ghesproken
Eer dat hy ontfinck zijn wonden
Dat zijn lichaem sou worden ghebroken
Ende ghegheuen worden voor onse sonden
| |
[pagina 108]
| |
Ende mijn bloet wil ick v schincken
Dit is eenen put vol ghenaden
So wie zijn siele nv wil versaden
Hier wt so moet hy drincken.
Door Christum alleen moeten wy bestaen
Totten Uader te vergaren
Die van elders in zijn rijcke willen gaen
Dat zijn dieuen ende moordenaren
En laet v dit cleyn oock niet beroouen
Die sone des menschen moest zijn verheuen
Op dat sy alle souden hebben dat leuen
Die in zijnen naem gheloouen.
Wy zijn niet verlost door siluer oft gout
Ga naar margenoot+ Maer door tbloet ons Heeren
Hemel ende aerde is in zijn ghewout
Wat soude hy van ons begheeren
Wort die hemel door wercken verworuen
So coemt de rechtuaerdicheyt door die wet
Uan Christo en hadden wy dan niet te bet
Ende waer te vergheefs ghestoruen.
Door tgeloof zijn wy in Christo rechtueerdich
Ende niet door onse wercken
Maer van ons seluen zijn wi Gods onweerdich
Op ons en soude God niet mercken
Maer in zijnen sone heeft hy behaghen
Hy is sonder ons verdienste tot ons gecomen
En heeft onse sonden op hem ghenomen
Ende is aenden cruyce gheslaghen.
Niemant en mach tot Christum comen
Ten waer hem van God ghegheuen
Niemant en wil hem van zijnen gelooue beroemen
Maer bewijst v ghelooue metten leuen
En volght wel na Christus exempel
Leert v seluen altoos versmaen
Ende wilt altoos op Christum staen
Sulcken hert is recht eenen Gods tempel.
Laet ons God louen na zijn gheboden
| |
[pagina 109]
| |
En niet den menschen aencleuen
En wilt niet aenbeden vreemde Goden
Want sy en moghen v niet gheuen
God heeft zijn heylighen in grooter weerden
Maer wy en hebben niet dan Iesus naem
Daer wy salicheyt door moghen ontfaen
Inden hemel noch opter eerden.
Laet ons menschen malcanderen vereenen
Ende altoos liefde bewijsen
Weduwen ende weesen bystant verleenen
Ende mildelick den armen spijsen
Wilt alle misdaet vergheuen
Al hebben wy ghesondicht totter doot
Gods bermherticheyt is so groot
Ghy sult comen int eewich leuen.
Och Christenen als ghy van hier moet gaen
Uoor wien wilt ghy doch vreesen
Christus sal voor zijnen Uader staen
Om v voorsprake te wesen
Want hy heeft selue ghesproken
Coemt alle tot my die beladen zijt Ga naar margenoot+
Ick sal v maken al v sonden quijt
En wilt gheen ander soecken.
Ick bidde v alle Christenen fijn
Wilt aen Gods woorden cleuen
En schout quade leeringhen als fenijn
Oft ghy wort daer door vergheuen
Aenden Phariseus neemt exempel
Uan opgeblasenheyt ginck hy hem beroemen Ga naar margenoot+
Ende ginck den Publicaen verdoemen
Die achter lach inden tempel.
Die dit liedeken heeft ghemaect
God wil hem zijn gratie gheuen
Dat hy niet tot hooueerdie en raect
Want daerom zijn verdreuen
Die Enghelen wt Gods rijcke Ga naar margenoot+
En Dauid is daerom gheplaecht Ga naar margenoot+
| |
[pagina 110]
| |
Ga naar margenoot+ En Adam wten Paradijse gheiaecht
Met zijnen kinderen alle ghelijcke.
|