Veelderhande gheestelicke liedekens

C Na de wijse. Hoe ydele o God zijn alle menschen.

DIts mijn ghelooue rechters eendrachtich ⁺
Ghy die my verdoemt ende noemt verblent
Wy gheloouen in eenen God almachtich
Die welcke ghy selue niet en kent
Scheppere van hemel en aerde present ⁺
Met alle dinghen sonder yemants aduijs
Dies alle tonghen moeten hem geuen prijs. ⁺

Oock so gheloof ick in zijnen Soone ⁺
Die hy vander eewicheyt heeft ghebaert

+ Gen.1.

+ Coloss.1.

+ Psal.3.

+ Ioan.5.

[p. 98]

 

⁺ Een rechte beelt zijns wesens schoone

 

Uan zijnder eyghen substancie ende aert

 

⁺ Twarachtich woort dient verclaert

 

Waer dore oock alle dinghen druijn

 

⁺ In hemel en aerde gheschapen zijn.

 

 

 

⁺ En sonder hem gheenderhande saken

 

En zijn ghemaect, dies hem Salomon reyn

 

⁺ Godes wijsheyt noemet sonder slaken

 

En den eersten geboren voor elck gemeyn

 

⁺ Die welcke God den Uadere certeyn

 

⁺ Beloefde Adam en zijn saet eenpaer

 

Doen hy lach gheuallen in sonden swaer.

 

 

 

⁺ Uoort Abraham ende Dauid mede

 

⁺ Heeft hy de selue beloeften ghedaen

 

⁺ Segghende, als ghy slapen sult in vrede

 

⁺ Sal ick v een saet verwecken gaen

 

Dat van uwen lijue oppe sal staen

 

⁺ Waer dore, so hy voordere belijt

 

Alle gheslachten zijn ghebenedijt.

 

 

 

⁺ Dit so beken ick te zijn al voren

 

Christus Iesus den Sone Gods oprecht

 

Die wten sade Dauids is gheboren

 

⁺ Ter volheyt des tijts so Paulus secht

 

⁺ Ende Paulus wt den seluen heessche

 

⁺ Een Sone Dauids na den vleessche.

 

 

 

⁺ Na dien de kinders seght Paulus reene

 

⁺ Uleesch ende oock bloet nv hebben hier

 

⁺ Is hy der seluen mate gheworden ghemeene

 

Op dat hy door de doot sou nemen fier

 

Die des doots ghewelt hadde bin dit rosier

 

Twelcke was den duyuel alst is besocht

 

⁺ Dies hy ons vant knechtschap heeft gecocht.

 

 

 

⁺ Door desen Iesum ken ick tmijnder vraem

 

⁺ Uerlost te zijne van sonde en doot

 

Dies hy gestoruen is, tonser onblaem

 

⁺ Hier oock victorieus verresen minioot

 

⁺ Gheen aduocaet en ken ick ter noot

+ Act.2.

+ Ioan.1

+ Coloss.2.

+ Ioan.1.

+ Prou.8

+ Act.17

+ Gen.3.

+ Gen.15.

+ 3.Reg.7

+ Roman.

+ Galatas

+ Gen.12.

+ Rom.1.

+ Gal.3.

+ Esa.53

+ Rom.1.

+ Heb.2.

+ Phil.2.

+ Col.2.

+ Hebr.2

+ Ephe.1.

+ Col.1.

+ Ephe.1.

+ 1.Ioan.2

[p. 99]

 

Dan den seluen Iesum Christum playsant

 

Sittende tot zijns Uaders rechterhant. ⁺

 

 

 

Oock gheloof ick inden heylighen gheest ⁺

 

Descenderende vanden Uader en den Soon ⁺

 

Die voor ons bidt bin shemels foreest

 

Ende oock ons versekert van Gods throon ⁺

 

Sonder wien nyemant Christus en is ydoon

 

Een Heere te noemene laest noch eest ⁺

 

Dan door den seluen heylighen gheest.

 

 

 

Uoort so beken ick wilt dit in prenten ⁺

 

Dat ons Christus Iesus wt svaders woort

 

Heeft inghestelt twee Sacramenten ⁺

 

Te wetene den Doop en Tnachtmael hoort

 

Inden Doop zijn wy versekert tot ons confoort ⁺

 

Dat wy ghereynicht zijn al in zijn bloet

 

Twelck ons dwatere beteeckenen doet.

 

 

 

Int Nachtmael wi broot en wijn ontfangen ⁺

 

Waer in wy leeren dat Christus by dien

 

Hem heeft ghegheuen in sdoots verstranghen ⁺

 

Uoor onse sonden, dies het moet gheschien

 

In zijnder memorie naer Paulus belien

 

Want so wy veel coornkens zijn een broot tsaem ⁺

 

So zijn wy met Christus een lichaem.

 

 

 

Eenen echten staet ick moet verbreyden ⁺

 

Bekennen wy, dats een man en een wijf

 

En om gheen sake sy twee te scheyden ⁺

 

Dan om fornicatie verstaet tmotijf ⁺

 

Een verrijsen oock van dit selue lijf ⁺

 

Ende eewich leuen verwachten wy hier ⁺

 

Maer voor den quaden het helsche vier. ⁺

 

 

 

Coninghen, Princen, en Ouerheden ⁺

 

Willen wy om Gods wille zijn subiect ⁺

 

Tol en cijns gheuen in allen steden ⁺

 

Den quaen als den goen het moet zijn ontdect ⁺

 

Maer in dien men ons conscientien beulect

 

Met yet teghen God ons te ghebien

+ 1.Cor.15.

+ Gen.1.

+ Ioan.15.

+ Rom.8.

+ 1.Co.12.

+ Mat.28.

+ Luc.22

+ 1.Pet.3.

+ Mat.26

+ 1.Cor.11

+ 1.Cor.10

+ Gen.2.

+ Mat.19

+ Iob.

+ 1.Thes.4

+ 1.Co.15

+ 1.Cor.2.

+ Mat.25

+ Rom.13

+ Math.

+ Petri.@

[p. 100]

 

Daer in en willen wy se niet aensien.

 

 

 

⁺ Gheenderhande leere om leuen noch steruen

 

En willen wy buyten Gods woort ontfaen

 

Noch door gheen andere salicheyt verweruen

 

Dan door Iesum Christum den stoel der genaen

 

En na zijn gheboden hoort dit vermaen

 

⁺ Willen wy wandelen, maer daert ons mist

 

Begheeren wy ghenade door Iesum Christ.

 

 

 

⁺ Oorlof hier mede Rechters en Heeren

 

Ghy die my veruolcht sonder auijs oft raet

 

Wilt hier inne onse ghelooue leeren

 

En v hielen niet teghen tscheers en slaet

 

Uersaect met ons Spaus leeringhe quaet

 

Ende andere ghemeynten, dit wel noteert

 

⁺ Die op Gods woort niet en zijn ghefondeert.

+ Act.4.

+ 1.Ioan.2

+ Act.9.

+ 1.Cor.3.