Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Een ander.
DIe Heere is die herder mijn
En my en sal ghebreken niet
Hy laet my weyden sonder pijn
In volder weyden sonder verdriet
Sijn Godlicke gonst hy my altijt biet
En maect ons door zijnen geest bequaem
Ga naar margenoot+ Sijn ooghe op ons allendighe siet
O God gheheylicht sy uwen naem.
Hy vermaect mijn siele door zijnen raet
Om zijns selfs wille also hy seyt
En leytse op die gherechtighe straet
Want hy is ons gherechticheyt
Door hem seluen heeft hijt ons al bereyt
Dat hy uwen tempel heeft afghegaen
Dus ist te recht van ons verbreyt
Ga naar margenoot+ O God gheheylicht sy uwen naem.
Al wandel ick in een duyster dal
So en vreese ick niet tot gheender tijt
Want ghy eenen stock zijt voor mijnen val
Ghy Heere eewich ghebenedijt
Den hemel is v, al is hy wijt
| |
[pagina 89]
| |
In alle die eerde en is gheen raem
Dies wort te recht van ons belijt
O God gheheylicht sy uwen naem. Ga naar margenoot+
Een tafel brengdy my Heere God
Teghen alle mijn vianden int openbaer
Mijn herte luystert n v ghebodt
Dat ghy ons schenct seer claer
U goetheyt door gratie gaet ons naer
Al mijn leuen dat is befaem
Nemet broeders voor blijde maer
O God gheheylicht sy uwen naem. Ga naar margenoot+
Ghy princelicke broeders weest hem niet rebel
In allen v wercken zijn woort aenhoort
Blijft in zijn huys so doedy wel
Ghelooft in hem met recht accoort
Leeft rechtueerdich onghestoort
En loopt niet inder briesschen baen
Al hebben de sommighe zijn woort misboort
O God gheheylicht sy uwen naem. Ga naar margenoot+
|
|