Veelderhande gheestelicke liedekens

C Op de wijse. Toute le nuict.

DEn slaep ontwaect ⁺
Die nv in sonden leuen ⁺
Rijst op en smaect ⁺
Gods goetheyt nv ghegheuen ⁺
Den winter cout
Den reghen wreet en stout
Is ghepasseert
Dlicht domineert
Ierusalem ghepresen ⁺
Is nv gebout, daer in ons vruecht moet wezen
De bruyt verchiert
Reyn ghemaniert
Is onder ons ghesonden
Blijschap anthiert
Haer vruchten viert ⁺
Als dienaers tallen stonden
In liefden blaect.

Haer claerheyt groot ⁺
Uerschijnt in alle hoecken
De Heydens bloot ⁺
Daer salicheyt in soecken ⁺
Haer mueren zijn
Uan Iaspis steenen fijn ⁺
Seer triumphael ⁺
Als claer Cristael
Is sy reyn van beschouwe
Haer straten die zijn van louteren gouwe ⁺
Haer fondament
Seer excellent ⁺
Is dierbaer van ghesmijden ⁺
Wie is so blent
Oft onbekent
Die haer nv stelt bezijden ⁺
Om Babel snoot.

Salich zijn sy

+ Esa.60.

+ Rom.13

+ Ephe.5.

+ 1.Thes.5

+ Apoc.3.

+ Apoc.14.

+ Apoc.21.

+ Esa.60.

+ Apoc.21

+ Tobie.13

+ Apoc.21

+ Apoc.21

+ Ephe.2.

+ 1.Cor.3.

+ Psal.136.

[p. 84]

 

⁺ Die binnen haer bemueren

 

Sijn staende vry

 

⁺ Gheen leet sal haer aenrueren

 

So sy met vruecht

 

⁺ Uerschijnt in alder duecht

 

⁺ Moeten oock staen

 

⁺ Die daer in gaen

 

⁺ Nieu inden gheest herboren

 

⁺ En strijtbaer zijnde, totten strijt ghecoren

 

⁺ Die Dlam bekant

 

⁺ Uolghen playsant

 

⁺ Sijn maechden sonder vlecken

 

⁺ Die sullen stant

 

⁺ Int lustich lant

 

⁺ Crijghen sonder vertrecken

 

Met blijschap bly.

 

 

 

Christus eerbaer

 

Is haren tempel reene

 

Gheen licht voorwaer

 

Behoeft haer groot noch cleene

 

⁺ Want Dlam certeyn

 

Can haer verlichten reyn

 

Dach ende nacht

 

Staen vry bedacht

 

Altijt haer poorten open

 

⁺ O wel salich zijn sy, die daer in lopen

 

⁺ Daer vloeyt de vloet

 

Des leuens soet

 

Midden op haerder straten

 

De boomkens goet

 

Die draghen vroet

 

Haer vruchtkens sonder laten

 

Rustich en claer.

 

 

 

Princelick saet

 

Wilt dit considereren

 

Schaft wijsen raet

 

Die dit van my opteren

+ Apoc.21

+ Psal.122.

+ 2.Cor.5.

+ Gal.6.

+ Rom.6.

+ Ephe.5.

+ Tit.3.

+ 1.Pet.2.

+ 2.Tim.2.

+ Apoc.14.

+ 2.Cor.11.

+ Sap.3.

+ Psal.30.

+ Esa.60.

+ Psal.84.

+ Psal.35.

[p. 85]

 

Want uwen fluer

 

Staet nv in schoon valuer

 

Dies doet deuoor

 

Desen thresoor

 

En mach niet elck verweruen ⁺

 

Aengrijpt hem nv oft ghy moet eewich steruen ⁺

 

Gheen twist noch nijt ⁺

 

Noch boos verwijt

 

En mach daer binnen comen

 

In desen strijt

 

Staet ons ter tijt

 

Tbehouden of tverdomen

 

Dies schuwet tquaet.

Ureest den Heere.

+ Rom.8

+ Iere.13.

+ Apoc.21