Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na die wijse. In mijn ionghe iuecht quam my te vooren.
C Oemt al tot Christum die zijt beladen Ga naar margenoot+
Met sonden, tsy cleyn oft groot
Neemt gheen wtstel, wilt niet versmaden
Den voys Christi, noch zijn woorden bloot
Want hy voorwaer, alleen dats claer
Mach sonden swaer
Af wasschen reyn, door zijn dierbaer bloet
Sijt rasch te voet, met herten goet
U leuen quaet, en sduyuels raet
Al tsamen laet
En wilt aenhooren Gods woort dat edel saet.
Gods woort is crachtich en vol ghenaden Ga naar margenoot+
Uoor diet aenhoort en bewaert certeyn
Want twoort is God, en om ons beraden
Ist vleesch gheworden in swerelts pleyn
Door sheylich geests cracht, en niet smenschen macht
Hier wel op acht
In Maria, naer schrifts bediet
| |
[pagina 78]
| |
Doch niet meer vliet, tot afgoden siet
Want hy alleene, int dal van weene
En inden hemel reene
Is God warachtich, ende anders ooc gheene.
Uermaledijt is tallen stonden
Den mensche, so Ieremias leert
Die niet en hoort tgheloouich vermonden
Gods woort in alder tijt ghereet
Dus al moet ghy lijden, wilt v verblijden
Ga naar margenoot+ In swerelts beurijden
Want salich zijn sy, vaet Christus raet
Diemen hier bindt, en in boeyen slaet
Door Christus name, die tonser vrame
Heeft gheleden blame
Uan zijn ghebuerschap ick vry dit rame.
Sy zijn seer haestich so staet bescreuen
Ga naar margenoot+ Omt bloet te storten openbaer
Iezabel wreet gheen wreeder beseuen
Ueruolcht Naboth met liste daer
Die Pharizeeusen verweerde, en scriftgeleerde
En swerelts gheeerde
Sijn die veruolghen Gods leeringhe soet
Om deertsche goet, zijn sy verwoet
Uerblint van binnen, berooft van sinnen
God wilse beminnen
Op dat sy moghen zijn rijcke ghewinnen.
Blijft doch ghestadich al doeghet v pijne
Ga naar margenoot+ Die veruolcht zijt door die waerheyt hier
Roept, straft die souden tallen termijne
Op dat ghy zijt een dispensier
Uan twoort des Heeren, twelc ghy moet leeren
Ende oock vermeeren
In swerelts ronde, so Christus belijt
Op dat elck sy ghebenedijt
Uan God den Uader, die allegader
Als gheen versmader
Wilt v salich maken door der liefden adere.
| |
[pagina 79]
| |
Bouen den meester is niet gheresen
Den knecht, daerom niet truerich zijt Ga naar margenoot+
Hebben sy den meester veruolgt, ter doot verwesen
Ueruolgt sult ghy zijn breet en wijt.
Strijt eenen strijt, en vrolick lijt
Ende v verblijt
In veruolghinghe, tsal haest vergaen
Uoor loon sult ghy Gods rijcke ontfaen
Daer tallen tijden, staet druck besijden
En ghebenedijden
God die salighe sonder vermijden.
Princelick woort wilt doch vergheuen
Die veruolghen Gods dienaers nv
Op dat sy eewich moghen leuen
Als elck moet comen staen by v
Uoor donbekende, en siende blende
O God sonder ende
Ick hier nv bidde naer v vermaen
Wilt niet versmaen die my houden gheuaen
So sal ick onuerschouen, v God daer bouen
Altijt louen
Al moet ick smaken des lijdens prouen.
|
|