Veelderhande gheestelicke liedekens

C Na die wijse. Het quam een man schelde.

⁺ C Hristus is verresen
Ghedoot heeft hy de doot
En ons verdient midts desen
Sijns Uaders rijcke groot
Hy heeft die hel, fel, snel
Den viant verwonnen en niemant el.

⁺ Wat Eua hadde bedoruen
En Adam heeft verbuert
Heeft Christus peys verworuen
Tverbont heeft hy gheschuert
Tviants schacht, cracht, macht
Is heel triumphelick tonder bracht.

⁺ Tserpent dat is vertreden
Dat deerste lueghen looch
Sijn hooft met allen den leden
Ueracht dat ons bedrooch
Tviants list, mist, quist
Hy blijft verwonnen die maecte twist.

Tviants scepter is ghebroken
Sijn croon die is ontwee

+ Mat.28

+ Gen.2.

+ Gen.3

[p. 77]

 

Als Sathan wonder wou coken

 

Brack hem zijn mes int schee

 

Hy wert bespot, bot, sot

 

Dat hy hem stelde teghen God.

 

 

 

Dat vleesch wou Sathan hulpen

 

De werelt wou wonder doen

 

De sonde dat leelick wulpen

 

Briet dat venisoen

 

Ten hielp int crijt, spijt, nijt

 

Christus verrijsen wan den strijt.

 

 

 

Nv laet ons Christum louen

 

Onsen verlosser, want

 

Hy ons verwerft hier bouen

 

Sijns Uaders rijck en lant

 

Dus weest met my, bly, ghy

 

Christus triumphe maect ons vry.