Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse. Sijt onbeureest ghy capiteynen meest.
BRoeders hebt doch moet
Al soectmen hier v bloet
Te storten om Gods woort soet
Al zijn wy hier gheacht, dul, sot en onuroet
Ia ghetorden onder die voet
Al zijn die Godvreesende nv gheplaecht
Uanden Goddeloosen onuersaecht
Dat spel sal saen omme keeren
Want also de wijse man ghewaecht
Sy sullen sien staen die sy hebben veriaecht Ga naar margenoot+
Met betrouwen byden Heere.
Dan sullen sy eerst
Uan benautheyt des gheest
Beuen, en zijn beureest
Segghende, siet die wy met swaer tempeest Ga naar margenoot+
Hebben veruolghet meest
Nv staen sy by Gods kinders ghetelt
Die wy hier doodden met ghewelt
Ia achten haer leuen raserien
Dese zijnt die wy hebben ghequelt
En met nijde ter neder gheuelt
Nv sietmense verblien.
Het blijct voorwaer
Dat wy weghen swaer
Hebben ghewandelt, maer
Wy zijn ghedwaelt vanden wech eenpaer
De Sonne der waerheyt claer
Die en is ons niet op ghegaen
Wy zijn moe gheworden, hoort dit vermaen
Inden wech der verdoemenissen
Die waerheyt en hebben wy noyt verstaen
Dus sullen wy deewighe doot ontfaen
En Gods blijschap missen.
Wat hebben ter noot
| |
[pagina 70]
| |
Die rijckdommen groot
Ghebaet inder doot
Want gelijc de pijl die een sterc schutter schoot
Snel vliecht door die lucht bloot
Ia subbijter dan den roock vergaet
So is al onse eere, macht ende staet
Uergaen ghelijck der schouwen
Ga naar margenoot+ Wy wtsinnighe menschen quaet
Hebben gheuolcht des duyuels raet
Nv blijuen wy in rouwen.
Sulcke woorden fijn
Sullen op dat termijn
Spreken die inder hellen zijn
Wy zijn vergaen snelder dan den rijn
Nv blijuen wy inder pijn
Maer die wy hilden voor dwase lien
Moeten wy nv by den Heere sien
Ga naar margenoot+ Als die Sonne staen blincken
Haer en can oock gheen droefheyt gheschien
Want God heeft haer vianden wech doen vlien
Niemant en machse crincken.
O oppersten Princier
Die de uwe hier
Beproeuen wilt int vier
Als wy zijn benout, oft in eenich dangier
Dan roepen wy tot v schier
En ghy helpt ons in corter tijt
Want ghy doet recht die hier onrecht lijt
Dus en vreest gheen tribuleren
Hy heeft ons ghestelt hier inden strijt
Wie dat al verwint, hy sal subijt
Metten Heere triumpheren.
|
|