Veelderhande gheestelicke liedekens

C Na de wijse. Uanden lustelicken Mey.

BRoeders in dees werelt present
Malcanderen wilt liefde bewijsen
So sal den soon seer excellent
Uoor zijnen Uader v prijsen
Hy sterf voor ons den doot
Ende al wt liefden groot ⁺
Sijn trou die liet hy blijcken
Hier beneden in aertrijcken.

Was dat niet liefde minioot
Want wy daer veel af lesen
Hy halp den menighen wter noot
Die crancken heeft hy ghenesen ⁺
Die beswaerden ghinck hy ontlaen
Cruepelen dede hy gaen
Men mochtese roepen horen
Die stom en doof waren gheboren. ⁺

Hy verwecte Lazarum vier daghen doot ⁺
Dat huys was vol grooten rouwe ⁺

+ Mat.27

+ Mar.2.3.

+ Mar.7

+ Mat.12

+ Ioan.11

[p. 68]

 

⁺ Een Princen dochter wt haer selfs noot

 

⁺ Een maecht een schoon ioncfrouwe

 

⁺Uoorby een stadt hiet Naim hy ghinck

 

⁺ Daer droechmen eenen dooden ionghelinck

 

God gaf hem weder dat leuen

 

Die moeder dancte God verheuen.

 

 

 

⁺ Dat vrouken die haer leeck by een hont

 

Haer dochter die worde ghenesen

 

⁺ En Centurions knecht tot een ander stont

 

Dat gheloof was daer ghepresen

 

⁺ Die achtendertich iaer lach lam

 

Sijn bedde dat hy seluer nam

 

En heeft na huys ghedraghen

 

Twas wonder voor diet saghen.

 

 

 

De Heer die voor ons sterf aent cruys

 

⁺ Noyt sondaer heeft hy vergheten

 

Al inden cleynen Sacheus huys

 

Daer ghinck den Heer ten eten

 

Een blinden by den weghen sadt

 

⁺ Om zijn ghesicht wast dat hy badt

 

God heeft zijn ooghen bestreken

 

Die blint was die heeft ghekeken.

 

 

 

⁺ Noch suyuerde hy een verdorde hant

 

⁺ God was wonderlick in zijn wercken

 

⁺ Noch herdreef hy den helschen viant

 

⁺ En hy iaechdese inden vercken

 

Uan die Malaetschen thien

 

So en quammer niet meer dan een

 

Om God te dancken ende te louen

 

Een Samaritaen verschouen.

 

 

 

Prince Heer mijn Aduocaet

 

Dit is tot uwer eeren

 

In al mijn noot Heer coemt my te baet

 

Heer zijt ghy bouen alle Heeren

 

Mijn arm sondaer onwijs

 

⁺ Gheeft my v Paradijs

 

Als ghy die Moordenaer deden

+ Mat.9.

+ Mar.5

+ Luc.8.

+ Luc.7.

+ Mat.15.

+ Luc.7.

+ Ioan.5

+ Luc.19

+ Ioan.9.

+ Luc.8.

+ Mat.8.

+ Marc.5.

+ Luc.17

+ Luc.23.

[p. 69]

 

Die maer eens en heeft ghebeden.