Veelderhande schrifturelijke leysenen ende gheestelijcke liedekens alle menschen tot devotie verweckende

Dit Liedeke is vanden soeten Naem van de vveerdige heylige maghet Maria. Ende gaet op de vvijse: Met vreuchden vvillen vvy singhen.

GHy Mannen ende Vrouwen
Die in de werelt zijt
Wilt ghy u siele behouwen
Ende beteren uwen tijdt.
Wilt ghy den vijandt mincken
Die ons altijdt volcht na
Hebt altijdt in u ghedincken
Den Naem van Maria.

Maria is soo soete
Ende soo wel ghenaemt
Datse die Enghelen groeten
Alsoo haer wel betaemt
Het is een Coninghinne
Die Godt zijn boodtschap sont
Vol gratien ende vol minnen
Maria is sy ghenoemt.

Des Heylighen Kersnachte
Wilde hy gheboren zijn
Van haer die op brachte
Den Hemelschen Doctrijn,
Sonder wee of smerte
In Maechdelijcker vreucht
Nu loven wy met herten
Maria die suyver jeucht.

[p. 74]

 

By des Enghels salute

 

Datse Jesus ontfinck

 

Werdt den vijandt te bute

 

Van ons die bevinck,

 

Met sont hem Godt den Vader

 

Al in Marien lijf

 

Wij dancken allegader,

 

Marien dat reyne Wijf:

 

 

 

De neghen Enghelen Chooren

 

De salighe Serafijn

 

Altoos sonder verstooren

 

Loven met herten fijn,

 

Den soeten suyver name,

 

Die elck met herten dient

 

Die Godt wel is bequame

 

Maria des menschen vrient.

 

 

 

Maria is de vlamme

 

Diet Paradijs verlicht,

 

Maria sonder blame,

 

Vol gratien is ghesticht

 

Sy is seer goedertieren

 

Van gratien dat is certeyn

 

Met lof willen wy vercieren

 

Maria al ghemeyn.

 

 

 

Soo wie in dit leven

 

Marien eere doet

 

Sy en sal hem niet begheven

 

Al ist dat hy misdoet

 

Gratie sal hy vercrijghen

 

Als dede Theopheus

 

Hy en wil den Lof niet swijghen

 

Marien de moeder Jesus.

 

 

 

Die can Marien eeren

 

En dienen met herten gheheel,

 

Sy sal hem impetreren

 

Van gratien sulck ghedeel

[p. 75]

 

Dat hy niet en sou moghen

 

Verdoemt zijn na sijn doot

 

Nu laet ons allen loven

 

Maria wy hebben noot.

 

 

 

Maria draecht de Croone,

 

Naest Jesus haer liefste kindt

 

Sy salt hem waerlijck loonen

 

Diese met herten mindt,

 

Nu bidden wy alle ghemeene

 

Maria die suyver ieucht,

 

Dat sy ons verleene

 

Haer gratie ende haer deucht.