Veelderhande schriftuerlijcke liedekens

184. Na die wijse O Heere Godt begnaedighe my.

ONs ghelooue staet vast op Godes gebot
Wy gheloouen en bekennen een eewich Godt⁺
Een almachtich Uader van weerden
Een schepper van hemel ende eerden
Daertoe verlaecken wy Antecrists rijck⁺
Met alle zijn ghemaecte Goden ghelijck
Uan gout siluer oft broode
Deser gheen en helpen in noode
Wy roepen met betrouwen aen God onsen Heer
Hem behoort alleen die prijs ende eer⁺
Hy is bermhertich ouer zijn ghemeyn
Al die hem vreesen van herten reyn
Sal hy zijn ooghen niet afkeeren.

Wi gheloouen in eenen Iesum Christum schoon
Als eenen eenighen gheboren soon⁺
[E]en metten Uader wy belyen

+ Gen.xxi.

+ Gen.i.

+ Apo iiij.

+ Ioan.i.

[fol. Y1v]

 

Hy was van eewighen tijen ⁺

 

Dat ghelycke beelt zijns Uaders is hy ⁺

 

Een schijnsel van zijnder heerlicheyt vry

 

Metten Uader is hy een int wesen ⁺

 

Als die wysheyt Gods ghepresen

 

Dit is alleen dat warachtich woort ⁺

 

Daer door die weerelt is ghemaect hoort ⁺

 

Die Propheten spraecken door sinen gheest ⁺

 

Want inden beghinne heeft hy gheweest ⁺

 

Seer heerlijck by sinen Uader.

 

 

 

Desen Soon en heuet gheen roof gheacht ⁺

 

Dat hy hadde metten Uader ghelycke macht

 

Hy is een machtich Heere

 

Dese ghinck hem seluen verneren

 

Sijnen Uader die was hy onderdaen

 

Hem seluen heeft hy te buyten ghegaen

 

Op der aerden is hy ghecomen

 

De ghedaente eens knechts aenghenomen

 

Wy gheloouen dat hy ontfanghen is ⁺

 

Al van den heylighen gheest ghewijs ⁺

 

Een reyn Ionckvrou heeft hem ontfaen ⁺

 

Wie mach die reyn gheboorte verstaen ⁺

 

Dat woort is vleesch gheworden.

 

 

 

Dit is onse salichmaker reyn ⁺

 

Die den vrede ghemaect heeft alleyn

 

Tusschen ons en sinen Uader

 

Hy versoent zijn ghemeynte te gader

 

Door hem compt ons die victorie heen ⁺

 

Des vyants hooft heeft hy vertreen ⁺

 

Ons ouertredinghe ghedraghen ⁺

 

Ueel smerten met grooten slaghen ⁺

 

Onder Pontio Pilato is hy ghedoot

 

Ghecruyst ghestoruen met lijden groot

 

Al inden gratie is hy ghedaen ⁺

 

Ten derden daghe weder op ghestaen ⁺

 

Om ons onrechtuerdicheyts wille.

 

 

 

Daer na vertoonde hy hem menich mael

+ Mich.v.

+ Col.i.

+ Ioan.x.

+ Ioan.vi.

+ Ioan.i.

+ ij.Pet.i.

+ Ioan.i.

+ Phil.ij.

+ Mat.i.

+ Luc.i.

+ Esa.liij.

+ Ioan.i.

+ Ephe.ij.

+ i.Cor.xv.

+ Eph.ij.

+ Esa.liij.

+ Matth.xxvij.

+ Rom.iiij.

+ Matth.xxviij.

[fol. Y2r]

 

By zijnen vrienden princepael

 

Dien ghinck hy daghelijcx verblijen

 

Dat hy alsoo moeste lijen

 

Dit heeft hy haer wt den Propheten verhaelt ⁺

 

Ende heeft haer met schriftuer vertaelt

 

Al dat sy noch niet en verstonden

 

Dat verclaerde sinen godlycken monde

 

Daer na segghen vele broeders voorwaer

 

Dat hy opsteech byder Enghelen schaer ⁺

 

By zijnen Uader ter rechter hant

 

Niemant en mach nv comen te schandt ⁺

 

Al die op desen Soon betrouwen.

 

 

 

Wy gheloouen dat hy weder comen sal ⁺

 

Om te rechten die leuende ende dooden al

 

Al die om sinen naem lyden ⁺

 

Die sullen haer dan verblyden ⁺

 

Dan sullen die goddeloose droeffelijc staen

 

Uoor den rechter stoel Christi sonder waen

 

Als zijn wtuercoren verheuen

 

Sullen een oordeel helpen gheuen ⁺

 

Ghy ghebenendyde verblijt v ghelijck

 

Dan suldy besitten dat eewighe rijck

 

Dan salder niet meer trueren zijn

 

Alle veruolch ende sware pijn ⁺

 

Sal dan in vruechden verkeeren. ⁺

 

 

 

Wy gheloouen oock inden heyligen geest

 

Eenen vertrooster van Cristus ghemeijnte meest

 

Als een leermeester tot alle stonden

 

Is hy van Christo ghesonden ⁺

 

Dese selfde is metten Uader een

 

Ende metten Soon alledry ghemeen ⁺

 

Een vercondigher van alle saken

 

Die ons salich moghen maken ⁺

 

Wy bekennen ooc een heylighe kercke groot

 

Beseghelt met Christus bloede root ⁺

 

Dat welcke is Gods ghemeente claer ⁺

 

Die ghemeenschap der heylighen eenpaer

+ Mar.xvi.

+ Lu.xxiiij.

+ i.Pet.ij.

+ Mat.xxv.

+ Ap.vij.

+ Sapien.v.

+ Mat.xix.

+ Mat.xxv.

+ Apo.vij.

+ Act.ij.

+ i.Ioan.v.

+ Ioan.xvi.

+ Eph.v.

+ Act.xx.

[fol. Y2v]

 

Dees hebben verghiffenis der sonden.

 

 

 

Wy verwachten oock een verrijsenis ⁺

 

Der dooden, ouer alle menschen ghewijs

 

Alle die oyt leuen ontfinghen

 

Sullen vander doot ontspringhen

 

Die basoenen sullen blasen met groot gheschal

 

Dan sullen wy voortcomen sal

 

Onsterffelijck [niet] op desen

 

Want wy sullen verwandelt wesen

 

Die gherechtighe sullen blincken in claren schijn ⁺

 

Met sonderlinghe claerheyt fijn

 

Dan sullen die Goddeloose truerich staen ⁺

 

Die wtuercoren met Christum gaen

 

Int eewighe leuen Amen.

 

 

 

Een doopsel bekennen wy in desen tijt ⁺

 

In Christus naem ghebenedijt

 

Tot prijs des Uaders alleyne

 

Metten heylighen gheest ghemeyne

 

Den gheloouighen is dit toe gheseyt

 

Tot een bewijs van ghehoorsaemheyt

 

Ende moeten die weerelt verlaten ⁺

 

Om een nieuwe leuen te vaten ⁺

 

Dat water en maect den menschen niet reyn

 

Het versekert die conscientie alleyn

 

Ende treden alsoo in tverbont van Godt

 

Gherechtich lijcken nae Godes ghebodt

 

Sonder ghelooue ist alleen sonde.

 

 

 

Den ouden Adam moet zijn ghedoot

 

Begrauen met Christum inder noot ⁺

 

Om weder op te verrysen ⁺

 

Een nieuwe leuen te bewysen

 

Dese penitencie ende waere boet ⁺

 

Die eerst voor allen wesen moet

 

Want gheen mensche ten daghe

 

Die sonder ghelooue God behaghe ⁺

 

Soo vele daer recht zijn ghedoopt bequaem

 

Hebben Christum inden doop aenghedaen ⁺

+ i.Co.xv.

+ Mat.xiij.

+ Sapi.v.

+ Matth.xxviij.

+ Rom.vi.

+ i.Pet.iij.

+ Ro.xiiij.

+ Rom.vi.

+ Act.ij.

+ Heb.xi.

+ Galat.iij.

[fol. Y3r]

 

Ende hebben beloften van salicheyt

 

Door tghelooue soo ist haer toegheseyt

 

Mercket hier die Christen ghemeynte.

 

 

 

Tot een recht auontmael is ons begheert ⁺

 

Soo Christus selue heeft gheleert ⁺

 

Als hy zijn lichaem ghinck schencken

 

Synen doot daer by te ghedencken ⁺

 

Dat broot dat wy breken met een ghemoet

 

Is de ghemeynschap des lyues Christi goet ⁺

 

Wy vele zijn een broot crachtich ⁺

 

Na den mael wy een broot zijn deelachtich

 

Den kelck des nieuwen Testament

 

In Christus bloede wel bekent

 

Wert zijn ghemeynte gheschoncken daer

 

Tot een ghedachtenisse waer

 

Uan Christus groote weldaden.

 

 

 

Hier mede is mijn belydinghe gheendt

 

Uan mijnen ghelooue int corte bekent

 

Dit is de waerheyt puere

 

Na wtwijsen der schriftuere

 

Elck beproeue hem seluen ghewis

 

Want daer maer een ghelooue en is

 

Een fondament van trouwen ⁺

 

Daer alle Christen op bouwen

 

Ick bidde alle broeders wt liefden seer

 

Ende alle susters inden Heer

 

Dat si schouwen alle valschen schijn

 

Uerkeerde leeringhen en dat boose fenijn

 

Daer door die siele wert vergheuen.

+ Ephes.v.

+ Matth.xxvi.

+ Ma.xiiij.

+ i.Cor.xi.

+ Eph.iiij.

+ i.Cor.ij.